દશેરા નિમિત્તે અમદાવાદમાં 9 લાખ કિલોથી વધુ ફાફડા-જલેબીના વેચાણનો અંદાજ, ભાવમાં 20%નો વધારો નોંધાયો

ફાફડા જલેબીનો ભાવ આસમાને…
દશેરાના તહેવાર પહેલા ફાફડા-જલેબી લવર્સ માટે માઠા સમાચાર સામે આવી રહ્યા છે. ઉલ્લેખનીય છે કે અત્યારે આ વાનગીઓના ભાવમાં 20થી 30 ટકાનો વધારો થઈ ગયો છે. જેનો તાજેતરનો ભાવ જોવા જઈએ તો એક કિલો જલેબીનો ભાવ 800થી 1300 રૂપિયા વચ્ચે છે, જ્યારે 1 કિલો ફાફડાનો ભાવ 600થી 1000 રૂપિયા સુધી માર્કેટમાં છે.

તેલ-ઘીનાં ભાવમાં વધારો થવાની અસર
દશેરાની આ સિઝનમાં ફાફડ અને જલેબીના ભાવમાં 15થી 20 ટકાનો ભાવ વધારો નોંધાયો છે. ઉલ્લેખનીય છે કે તેલ અને ઘીના ભાવમાં આવેલા જંગી વધારાનું આ પરિણામ છે. જોકે મીડિયા રિપોર્ટ્સ પ્રમાણે આ વર્ષે કોર્પોરેટ ઓર્ડર્સમાં નોંધપાત્ર ઘટાડો નોંધાયો છે. ત્યારે બીજી બાજુ છૂટક વેચાણમાં વધારો નોંધાઈ શકે છે. વળી એસોસિએશનના અધિકારીના મત મુજબ 200 કિલોથી માંડીને 1 હજાર કિલો સુધીના ફાફડા-જલેબીનું વેચાણ થતું હોય છે.