દેવાયત ખવડને હજુ જેલમાંથી છૂટકારો નહીં, સેશન્સ કોર્ટે જામીન અરજી પેન્ડીંગમાં મૂકી, હવે શું થશે?

હવે શું કરશે દેવાયત ખવડ?
સૂત્રો પાસેથી મળતી વિગતો મુજબ, મયુરસિંહ રાણા પર હુમલાના આરોપમાં જેલમાં બંધ દેવાયત ખવડે જામીન માટે સેશન્સ કોર્ટમાં અરજી કરી હતી. જેને પેન્ડીંગમાં રાખવામાં આવી છે. એવામાં હવે જો તેને જામીન નહીં મળે તો તે હાઈકોર્ટના દ્વાર ખખડાવી શકે છે અને ત્યાં જામીન અરજી કરી શકે છે.

આ પણ વાંચો: ભુજમાં AIMIMના હોદ્દેદાર અને પાસાના આરોપીએ પોલીસ ઉપર ગાડી ચઢાવી દીધી, જાણો શું છે સમગ્ર મામલો

મયુરસિંહ રાણા પર હુમલા મામલે જેલમાં બંધ
નોંધનીય છે કે, દેવાયત ખવડે પોતાના સાથીઓ સાથે મળીને મયુરસિંહ રાણા પર હુમલો કર્યો હતો. આ મામલે એ-ડિવિઝન પોલીસ સ્ટેશનમાં તેની વિરુદ્ધ ગુનો નોંધાયો હતો. હુમલાના 10 દિવસ સુધી ફરાર રહેલા દેવાયત ખવડે આખરે પોલીસ સામે સરેન્ડર કર્યું હતું. જે બાદ તેને બે દિવસના રિમાન્ડ પર મોકલાયો હતો. તાજેતરમાં 19મી ડિસેમ્બરે દેવાયત સહિત ત્રણેય આરોપીઓને કોર્ટમાં રજૂ કરાયા હતા અને વધુ રિમાન્ડની માગણી ન કરતા તમામને જેલ ભેગા કરવામાં આવ્યા હતા.

આ પણ વાંચો: ચૂંટણીમાં પક્ષ વિરોધી પ્રવૃત્તિ કરનારા BJPના 10 નેતાઓને પ્રદેશ ગાંધીનગરનું તેડું, હવે સસ્પેન્ડ થશે?