ડીસામાં લવ જેહાદની ચોંકાવનારી ઘટના, નામ બદલી વિધર્મી યુવકે યુવતીને ભગાડી

લગ્નની લાલચ આપી યુવતીને ફસાવી
અમીરગઢના વિધર્મી યુવક શોએબ સિંધીએ પોતાનું નામ બદલીને પ્રેમજાળનો સકંજો કસ્યો હતો. જેમાં તેણે સૌથી પહેલા ડીસાની યુવતીને સોશિયલ મીડિયામાં મિત્ર બનાવી દીધી હતી. ત્યારપછી ધીમે ધીમે એની સાથે પ્રેમ સંબંધો બાંધ્યા અને પોતાની મૂળ ઓળખ પણ છુપાવી રાખી હતી. નોંધનીય છે કે આ દરમિયાન બંને એટલા ગાઢ પ્રેમમાં પડી ગયા વિધર્મી યુવકે સતત લગ્નની લાલચો આપવાનું શરૂ કરી દીધું હતું. જેથી યુવતી ભોળવાઈ ગઈ અને તેની સાથે ભાગવા માટે તૈયાર થઈ ગઈ હતી.

વિધર્મી યુવકની ઓળખ થતા યુવતીને માંડ માંડ બચાવી લેવાઈ
જોકે યુવતીને બાદમાં જાણ થઈ કે એ જેને પ્રેમ કરી રહી હતી એ યુવકે નામ બદલી દીધું હતું. એનો ધર્મ પણ અલગ છે. તેવામાં પોલીસ અને ધારાસભ્ય શશીકાંત પંડ્યાએ મહામહેનતે સગીરાને બચાવી લીધી હતી. તેમણે સૌથી પહેલા રૂરલ પોલીસ મથકે ફરિયાદ નોંધાવી હતી. ત્યારપછી ડીસા તાલુકા પોલીસે શોએબને દબોચી લીધો હતો. ત્યારપછી પોલીસે વધુ તપાસ હાથ ધરી દીધી હતી.

With Input- ધનેશ પરમાર