WTC Final: શુભમન ગિલની વિકેટ પર વિવાદ, જાણો કેમ ન મળ્યો ‘સોફ્ટ સિગ્નલ’નો ફાયદો

ગ્રીને ડાઇવિંગ કરીને એક હાથે ગિલનો કેચ પકડ્યો હતો. પહેલી નજરે એવું લાગતું હતું કે બોલ જમીનને સ્પર્શી ગયો હતો. મામલો ત્રીજા અમ્પાયર પાસે ગયો, જ્યાં રિપ્લે જોયા બાદ ગિલને આઉટ આપવામાં આવ્યો. જ્યારે રિપ્લે જોઈને કેટલાક ચાહકોને લાગ્યું કે ગિલ નોટઆઉટ છે.

સ્ટેડિયમમાં લાગ્યા નારા
આ કેચના ઘણા ફોટા અને વીડિયો વાયરલ થયા છે. બોલ જમીનને અડ્યો છે કે નહીં? કેપ્ટન રોહિત શર્મા ગુસ્સામાં દેખાતા હતા અને થર્ડ અમ્પાયરે આઉટ આપતા ગિલ આશ્ચર્યચકિત થઈ ગયા હતા. એટલે કે, બંનેને ખાતરી હતી કે બોલ જમીનને સ્પર્શી ગયો છે અને આઉટ નહીં થાય. મેચમાં થર્ડ અમ્પાયર ઈંગ્લેન્ડના રિચર્ડ કેટલબ્રો છે. તેમના નિર્ણય બાદ સ્ટેડિયમમાં હાજર દર્શકોએ ‘ચીટર-ચીટર’ના નારા પણ લગાવ્યા હતા.

ગીલને સોફ્ટ સિગ્નલનો લાભ કેમ ન મળ્યો?
તેના પર આઈસીસીએ કહ્યું છે કે આ સમગ્ર મામલે ગીલને સોફ્ટ સિગ્નલ નિયમનો લાભ કેમ ન મળ્યો? તે અંગે જણાવવું જરૂરી બન્યું છે. તેમણે કહ્યું કે જૂનની શરૂઆતથી જ સોફ્ટ સિગ્નલના નિયમને હટાવી દેવામાં આવ્યો છે. એટલે કે, જૂન 2023 પછી, આ નિયમ કોઈપણ મેચમાં લાગુ થશે નહીં. આ જ કારણ છે કે આ ટેસ્ટ મેચમાં પણ આ નિયમ લાગુ થયો ન હતો, જેના કારણે ગિલને ફાયદો મળ્યો ન હતો.

જ્યારે સોફ્ટ સિગ્નલના નિયમ મુજબ, જ્યારે કેચ શંકાસ્પદ લાગતો હતો, ત્યારે ફિલ્ડ અમ્પાયર તેનો નિર્ણય (આઉટ કે નોટઆઉટ) આપતા હતા, ત્યારબાદ મામલો થર્ડ અમ્પાયરને મોકલવામાં આવતો હતો. તે કિસ્સામાં, જો ત્રીજા અમ્પાયર પણ શંકાસ્પદ કેચ પર નિર્ણય લેવામાં મૂંઝવણમાં હોય, તો પછી ફિલ્ડ અમ્પાયરના નિર્ણય પર આખરી રાખતા હતા.

સોફ્ટ સિગ્નલના નિયમ પર પણ વિવાદ થયો છે
સોફ્ટ સિગ્નલને લઈને ઘણી વખત હંગામો થયો છે. આ વર્ષે ઓસ્ટ્રેલિયા અને દક્ષિણ આફ્રિકા વચ્ચેની ટેસ્ટ મેચ દરમિયાન, માર્નસ લાબુશેનને મેદાન પરના અમ્પાયરે કેચ આઉટ કર્યો હતો. સ્લિપમાં પકડાયેલો આ કેચ ક્લીન નહોતો, પરંતુ ત્રીજા અમ્પાયર પાસે મેદાન પરના અમ્પાયરના નિર્ણયને પલટી શકે તેવા પૂરતા પુરાવા નહોતા, જેના કારણે મેદાન પરના અમ્પાયરના નિર્ણયને માન્ય રાખવામાં આવ્યો હતો.

આ રીતે WTC ફાઇનલમાં ભારતને 444 રનનો ટાર્ગેટ મળ્યો હતો
WTC ફાઇનલમાં ઓસ્ટ્રેલિયન ટીમે પોતાની પ્રથમ ઇનિંગમાં 469 રન બનાવ્યા હતા. આ પછી ટીમ ઈન્ડિયા પોતાની પ્રથમ ઈનિંગમાં 296 રન જ બનાવી શકી હતી. જેના કારણે ઓસ્ટ્રેલિયાને પ્રથમ દાવના આધારે 173 રનની લીડ મળી હતી. હવે ઓસ્ટ્રેલિયન ટીમે 270 રન પર બીજી ઇનિંગ ડિકલેર કરી હતી. આ સંદર્ભમાં ભારતીય ટીમને 444 રનનો ટાર્ગેટ મળ્યો છે. ઓસ્ટ્રેલિયા તરફથી બીજી ઈનિંગમાં એલેક્સ કેરીએ અણનમ 66 રન બનાવ્યા હતા. જ્યારે માર્નસ લાબુશેન અને મિચેલ સ્ટાર્કે સમાન 41 રન બનાવ્યા હતા. ટીમ ઈન્ડિયા તરફથી રવિન્દ્ર જાડેજાએ 3 વિકેટ ઝડપી હતી. ઉમેશ યાદવ અને મોહમ્મદ શમીને 2-2 સફળતા મળી હતી.