ગુજરાતમાં મળેલી ભૂંડી હારનું કોંગ્રેસ કરશે પોસ્ટ મોર્ટમ, દિલ્હીથી આવશે 3 સભ્યોની કમિટી

કોંગ્રેસના જ નેતાઓ હારમાં જવાબદાર હોવાના આક્ષેપ
તો બીજી તરફ ગુજરાતમાં કોંગ્રેસની હાર બાદ ઘણા આગેવાનોએ પુરાવા સાથેનો રિપોર્ટ હાઈકમાન્ડને બારોબાર મોકલી આપ્યો હતો, જેમાં કોંગ્રેસના જ નેતાઓની શંકાસ્પદ ભૂમિકા હોવાના ગંભીર આક્ષેપો કરવામાં આવ્યા હતા. એવામાં હવે હાઈકમાન્ડે આ બાબતે તથ્યો ચકાસવા માટે જાતે જ કમિટી બનાવીને ત્રણ સભ્યોને મોકલવાનું નક્કી કર્યું છે. જે ગુજરાતના હારના તથ્યોને હાઈકમાન્ડ સુધી પહોંચાડશે.

હાદ્દેદારો-આગેવાનોને સસ્પેન્ડ કરવાની માંગ કરી હતી
નોંધનીય છે કે, ગુજરાતમાં કોંગ્રેસના પરાજય બાદ ઘણા નેતાઓએ હાઈકમાન્ડને પત્ર લખીને પક્ષના જ કેટલાક નેતાઓએ પાર્ટીને હરાવવાનો કામ કર્યું હોવાનો આક્ષેપ કર્યો હતો. સાથે જ જે-તે હોદ્દેદારો અને આગેવાનોને સસ્પેન્ડ કરવા માટે પત્ર લખવામાં આવ્યો હતો.