કોંગ્રેસના દિગ્ગજ બોલ્યાઃ BJP વાળા લીડર બનાવતા જ નથી, તે અમારા ધારાસભ્યો ઉઠાવી જાય છે

AAP તો B ટીમ છે- અમીબેન
કોંગ્રેસના નેતા અમીબેન યાજ્ઞિકે જણાવ્યું હતું કે જો કોંગ્રેસ પાર્ટી ઉત્સાહથી લડતી ન હોત તો આ બધુ જોવા ન મળ્યું હોત. ભાજપ લીડન નથી બનાવતા. તેઓ અન્ય પક્ષોના નેતાઓને જ લે છે. તેમણે કહ્યું કે ભાજપે તમામ જૂના લોકોને બેસાડી દીધા છે. નવા લોકોને લાવ્યા છે. AAPને B ટીમ તરીકે સંબોધ્યા.

રાહુલ ગાંધી એક મોટા મિશનમાં વ્યસ્ત છે…
અમીબેન યાજ્ઞિકે વધુમાં જણાવ્યું હતું કે અમારો પક્ષ સંગઠિત છે, તેથી જ લડી રહ્યો છે. રાહુલ ગાંધી ભારત જોડો યાત્રામાં છે. અમારી પાર્ટીના મુખ્ય બેટ્સમેન એક મોટા મિશનમાં વ્યસ્ત છે. તેઓ પગપાળા 3500 કિમીની મુસાફરી કરી રહ્યા છે. કોંગ્રેસના નવા પ્રમુખ આવશે. દરેક જગ્યાએ એક જ બેટ્સમેન નથી હોતો. અન્ય બેટ્સમેન પણ હોય છે અને તેઓ પણ પોતાનું બેસ્ટ આપી રહ્યા છે.

તેમણે જે શૈક્ષણિક સંસ્થાઓમાં અભ્યાસ કર્યો તે કોંગ્રેસ દ્વારા બનાવવામાં આવી…
અમીબેન યાજ્ઞિકને પૂછવામાં આવ્યું કે AAP જોરશોરથી લડી રહી છે જ્યારે કોંગ્રેસ યોગ્ય રીતે લડી રહી નથી. તેના પર અમીબેને કહ્યું કે અમે લડી રહ્યા છીએ, પરંતુ તે દેખાતું નથી. તેઓ ત્યાંથી શિક્ષણનું મોડલ લઈને અહીં આવે છે. તેમણે જે શૈક્ષણિક સંસ્થાઓમાં અભ્યાસ કર્યો છે તે કોંગ્રેસ દ્વારા બનાવવામાં આવી હતી. તેમણે ભાજપ સરકાર પર આકરા પ્રહારો કર્યા હતા. કહ્યું- શિક્ષિત બેરોજગારો પર સરકાર પાસે જવાબ નથી.