‘આ દુનિયામાં બે જ દાદા છે, હનુમાન દાદા અને ગણપતિ દાદા’ ભાજપના નેતાને કોણે આપી ધમકી?

કિરીટ પટેલે કોને આપી ધમકી?
પાટણમાં સબોસણ ગામમાં કિરીટ પટેલ ચૂંટણી પ્રચારમાં ગયા હતા. અહીં તેઓ ગામ લોકોને ચૂંટણીમાં કોઈ અંદરો અંદર તેમને લડાવીને ફાયદો ન ઉઠાવી જાય તે બાબતનું ખાસ ધ્યાન રાખવા માટે કહી રહ્યા છે. તેઓ કહે છે, તમને અંદરોઅંદર ઝઘડાવાનો પ્રયાસ થશે. કોઈ એવું કહેશે કે હું બેઠો છું. ભાજપનો છું અને સરકાર અમારી છે કે.સી પટેલ અમારા છે. કે.સી પટેલને પૂછી આવજો. અહીં પેટ્રોલ પંપ બનાવ્યો એમાં 7 લાખ દંડ ભર્યો અને તોડવાનો હુકમ કર્યો છે. કે.સી પટેલ પેટ્રોલ પંપ બચાવી શક્યા નથી, આવી ગાયોને શું બચાવી શકશે.

ખુલ્લેઆમ ધમકી આપતા દેખાયા નેતા
કિરીટ પટેલ આગળ કહે છે, તો પણ જો તેઓ પોતાની જાતને દાદા સમજતા હોય તો કહી દેજો. આ દુનિયામાં બેજ દાદા છે હનુમાન દાદા અને ગણપતિ દાદા. લોકશાહીમાં કોને કોની સાથે રહેવું તે તેનો અધિકાર છે. આઠમી એ આપડું જીતનું વરઘોડું છે અને નવમી એ આપડે આ દાદાઓનો હિસાબ કરી નાખીશું. આમ ખુલ્લેઆમ ધમકી આપતા દેખાઈ રહ્યા છે.

સબોસણ ગામે ચૂંટણી પ્રચાર દરમિયાન કિરીટ પટેલે ગુજરાત પ્રદેશ ભાજપના પૂર્વ મહામંત્રી કે.સી પટેલ પર આકરા પ્રહાર કર્યા હતા. જેનો વીડિયો સોશિયલ મીડિયામાં વાયરલ થયો છે. #GujaratElections2022 #electionwithgujarattak @drkiritcpatel pic.twitter.com/vxb84sHQhX

— Gujarat Tak (@GujaratTak) November 25, 2022