શિક્ષણ ક્ષેત્રે ક્લાસ-1 અધિકારી લાંચ લેતા પકડાયા, ACBએ ભ્રષ્ટાચારનો કર્યો પર્દાફાશ

વિરેન જોશી, મહિસાગરઃ અત્યારે ભ્રષ્ટાચાર સામે તંત્ર લાલ આંખ કરીને ઊભું છે. ત્યારે મહિસાગર જિલ્લામાં ACBએ સફળ ટ્રેપ કરી લાંચ લેતા ક્લાસ-1 અધિકારીને ઝડપી પાડ્યો છે. જિલ્લા શિક્ષણ ક્ષેત્રનો ક્લાસ-1 અધિકારી લાંચ લઈ રહ્યો હતો. ત્યારે ACBએ ટ્રેપ ગોઠવી તેને ઝડપી પાડ્યો છે. આ સમગ્ર ઘટના સામે આવતા જ ચકચાર મચી જવા પામી છે. ભ્રષ્ટાચાર કરતા ક્લાસ-1 અધિકારીની અત્યારે ભારે ચર્ચા થઈ રહી છે.

20 હજારની લાંચ લેતા પકડાયો
મહિસાગર જિલ્લા એસીબીની સફલ ટ્રેપના કારણે ભ્રષ્ટાચારનો વધુ એક કિસ્સો પ્રકાશમાં આવી ગયો છે. જિલ્લા શિક્ષણ ક્ષેત્રે ક્લાસ-1 ઓફિસર અત્યારે 20 હજાર રૂપિયાની લાંચ લેતા પકડાયા હતા. આ સમગ્ર ઘટનાક્રમ સામે આવતા જ ચકચાર મચી ગઈ છે. પ્રાપ્ત થતી માહિતી પ્રમાણે ભોમાનંદ સ્કૂલ સરસણ ખાતે એમ્પ્લોઈમેન્ટ નંબર માટે તેમણે 20 હજાર રૂપિયાની લાંચ માગી હોવાની માહિતી સામે આવી રહી છે.

આ પણ વાંચો: ગાંધીનગરઃ શિક્ષકોને આદેશ, 1 કલાક વધુ ભણાવો, જાણો કેમ?

જાગૃત નાગરિકે ફરિયાદ કરી ભાંડો ફોડ્યો
પ્રાપ્ત થતી વિગતો પ્રમાણે એક જાગૃત નાગરિકે ક્લાસ-1 અધિકારી દ્વારા 20 હજાર રૂપિયાની લાંચ લેવાતી હોવાનો ભાંડો ફોડ્યો છે. એટલું જ નહીં એમ્પ્લોયમેન્ટ નંબર માટે તેમણે આ રકમ માગી હોવાનું પણ સામે આવ્યું છે. ત્યારે ક્લાસ-1 અધિકારીની આ પ્રમાણેની લાંચવૃત્તિનો સફાયો ACBએ કરી દેતા સમગ્ર ઘટનાનો પર્દાફાશ થયો છે. હવે સવાલ એ ઊભો થાય છે કે આ ક્લાસ-1 અધિકારીને લાંચ લેવાની શી જરૂર પડી હશે?

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…

શિક્ષણ ક્ષેત્રે ક્લાસ-1 અધિકારી લાંચ લેતા પકડાયા, ACBએ ભ્રષ્ટાચારનો કર્યો પર્દાફાશ

Niket Sanghani

Niket Sanghani