બોમ્બે શેવિંગ કંપનીના CEOએ દિવસમાં 18 કલાક કામ કરવાની સલાહ આપી, જાણો લોકોએ શું કર્યું..

શું હતી સલાહ…
હકીકતમાં મંગળવારે સવારે બોમ્બે શેવિંગ કંપનીના સ્થાપક અને સીઈઓ શાંતનુ દેશપાંડેએ સોશિયલ મીડિયા પ્લેટફોર્મ LinkedIn પર એક પોસ્ટ કરી હતી. આ પોસ્ટમાં તેણે ફ્રેશર્સને દિવસમાં 18 કલાક કામ કરવાની સલાહ આપી હતી. તેમની પોસ્ટમાં, તેમણે ફ્રેશર્સને પોતાને સંપૂર્ણ રીતે કામમાં સમર્પિત કરવા કહ્યું અને કહ્યું કે જ્યારે તમે 22 વર્ષના છો અને કંપનીમાં નવી નોકરી કરો છો, તો તમારે તમારી જાતને કામમાં લગાવી દેવી જોઈએ. તેણે દાવો કર્યો કે આમ કરવાથી ફ્રેશર્સ માટે ફાયદાકારક સાબિત થશે. તેણે પોસ્ટમાં લખ્યું કે સારું ખાઓ અને ફિટ રહો, પરંતુ ઓછામાં ઓછા ચારથી પાંચ વર્ષ સુધી દિવસમાં 18 કલાક કામ કરો. ધીમે ધીમે સ્થિતિ સુધરતી જશે.

લોકોને આ સલાહ પસંદ ન આવી, આવી પ્રતિક્રિયા આપી
આ સલાહ બાદ શાંતનુ દેશપાંડેને સોશિયલ મીડિયા પર જોરદાર ટ્રોલ કરવામાં આવી રહ્યા છે. તેમની આ પોસ્ટ જોરદાર વાઈરલ થઈ રહી છે. યુઝર્સ અલગ-અલગ પ્રતિક્રિયા આપીને પોતાની નારાજગી વ્યક્ત કરી રહ્યા છે. એક યુઝરે લખ્યું કે જીવન કામ કરતાં વધારે છે, તેની વાતો પર ધ્યાન ન આપો, જ્યારે શાંતનુ દેશપાંડેએ પણ સોશિયલ મીડિયા પર વધી રહેલા વિવાદને જોઈને સ્પષ્ટતા આપી છે. તેમણે ઉમેર્યું હતું કે તેમની સલાહને શાબ્દિક રીતે લેવી જોઈએ નહીં.