વડાપ્રધાન મોદીએ સેન્ટ્રલ વિસ્ટા એવન્યૂનું ઉદ્ઘાટન કર્યું, કહ્યું- દેશને ગુલામીની વધુ એક ઓળખથી મુક્તિ મળી

દિલ્હીઃ વડાપ્રધાન નરેન્દ્ર મોદીએ આજે ગુરૂવારે સેન્ટ્રલ વિસ્ટા એવન્યૂનું ઉદ્ઘાટન કર્યું છે. આની પહેલા PM મોદીએ સાંજે 7 વાગ્યે ઈન્ડિયા ગેટ પર નેતાજી સુભાષ ચંદ્ર બોઝની મૂર્તિનું અનાવરણ કર્યું હતું. હવે આજે ગુરુવારથી 3.20 KM લાંબા રાજપથને નવા રંગ-રૂપ સાથે કર્તવ્ય પથના રૂપે ઓળખાશે.

PM મોદીએ કહ્યું… અત્યારે સમગ્ર દેશવાસીઓ એક ઐતિહાસિક ક્ષણના સાક્ષી બન્યા છે. હવે આપણે વિતેલા સમયને ભૂલી જઈને ભવિષ્ય તથા આવનારા સમયના રંગમાં રંગાઈ જવાનું રહેશે. હવેથી ગુલામીનો ઈતિહાસ સંપૂર્ણપણે નષ્ટ થઈ ગયો છે. હવે દેશવાસીઓને હું શુભેચ્છા પાઠવું છું અને ભારતને નેતાજી સુભાષચંદ્ર બોઝના આપેલા વારસાની જાળવણી કરીશું. અમે અત્યારે ભારતને ટૂંક સમયમાં આધૂનિક બનાવવા માગીએ છીએ. 9 સપ્ટેમ્બરથી અહીં લોકો ફરી શકશે.

પીએમ મોદીએ કહ્યું- કર્તવ્ય પથ માત્ર ઈંટો અને પથ્થરોનો રસ્તો નથી. તે ભારતના લોકશાહી ભૂતકાળ અને સર્વકાલીન આદર્શોનો જીવંત માર્ગ છે. રાજપથ બ્રિટિશ રાજ માટે હતો, જેમા ભારતના લોકો ગુલામ હતા. રાજપથની ભાવના પણ ગુલામીનું પ્રતીક હતું, તેનું બંધારણ પણ ગુલામીનું પ્રતીક હતું. આજે તેનું સ્થાપત્ય પણ બદલાઈ ગયું છે અને તેની ભાવના પણ બદલાઈ ગઈ છે.

વડાપ્રધાન મોદીએ સેન્ટ્રલ વિસ્ટા એવન્યૂનું ઉદ્ઘાટન કર્યું, કહ્યું- દેશને ગુલામીની વધુ એક ઓળખથી મુક્તિ મળી

Parth Vyas

Parth Vyas