CECની આજે મળી બેઠક, Congress એ ગુજરાતના ઉમેદવારોની કરી પસંદગી?

ગુજરાત વિધાનસભાની ચૂંટણી નજીક આવી રહી છે ત્યારે કોંગ્રેસ હવે ઉમેદવારોના નામ નક્કી કરવાની કવાયત હાથ ધરી છે. ચૂંટણીમાં ઉમેદવાર પસંદગી માટે કોંગ્રસ દ્વારા દિલ્હીમાં CECની બેઠક યોજવામાં આવી હતી. જેમાં 50થી 65 બેઠકના ઉમેદવારોના નામ ઉપર આજે CEC એ મંજૂરીની મહોર મારી હોવાનું જાણવા મળી રહ્યું છે. આગામી 3 થી 4 દિવસમાં કોંગ્રેસ પોતાના ઉમેદવારોની પહેલી યાદી જાહેર કરશે.

વર્તમાન ધારાસભ્યો થશે રિપીટ
ગુજરાત કોગ્રેસ પ્રમુખ જગદીશ ઠાકોર, વિપક્ષ નેતા સુખરામ રાઠવા અને પ્રભારી રઘુ શર્માએ આ બેઠકમાં ભાગ લીધો હતો.આ બેઠકમાં 50થી વધુ દાવેદારોના નામ પર મંજૂરીની મહોર મારવામાં આવી છે. માહિતી મુજબ કોંગ્રેસ સિંગલ દાવેદાર અને નિર્વિવાદીત બેઠકો પર ઉમેદવારો જાહેર કરશે.  તથા નિર્વિવાદિત બેઠકોના ઉમેદવારોની યાદી જાહેર કરવામાં આવશે. સૂત્રો પાસેથી મળતી માહિતી મુજબ કોંગ્રેસના મોટાભાગના ધારાસભ્યોને રિપીટ કરવામાં આવશે. ત્યારે બાકીની બેઠકો પર યુવાનોને વધુ તક આપવામાં આવશે. 30 તારીખ સુધીમાં કોંગ્રેસ દ્વારા ઉમેદવારોનું લિસ્ટ પણ જાહેર કરવામાં આવશે.