સુરતમાં AAPનો પ્રચાર કરવા પર રત્ન કલાકારોને છૂટા કરી દેવાની ધમકી આપનાર ઉદ્યોગપતિનું BJPમાં સ્વાગત

પોતાના કારખાનામાં રેવડી વેચનારની પાર્ટીનો પ્રચાર નહીં કરવાનો તેમજ જો કોઈ કરશે તો તેમને નોકરી માંથી છુટા કરવામાં આવશે તેવી જાહેરાત જેમણે સ્વયંભૂ કરી હતી એ સુરતના હીરા ઉદ્યોગપતિ શ્રી દિલીપભાઈ ઢાપાનું પ્રદેશ કાર્યાલય શ્રી કમલમ્ ખાતે ભાજપામાં સ્વાગત કર્યું. pic.twitter.com/FqJAbRWaZU

— C R Paatil (@CRPaatil) September 27, 2022

સી.આર પાટીલે ઉદ્યોગપતિ દિલીપભાઈ ઢાપાનું ભાજપમાં સ્વાગત કર્યું
ગુજરાત ભાજપના પ્રદેશ પ્રમુખ સી.આર પાટીલે આ કારખાનેદાર ઉદ્યોગપતિનું સન્માન કર્યું હતું. જે અંગે તેમણે ફોટો પોસ્ટ કરીને જાણકારી આપી હતી. પોતાની પોસ્ટમાં પાટીલે લખ્યું કે, પોતાના કારખાનામાં રેવડી વેચનારની પાર્ટીનો પ્રચાર નહીં કરવાનો તેમજ જો કોઈ કરશે તો તેમને નોકરીમાંથી છુટા કરવામાં આવશે, તેવી જાહેરાત જેમણે સ્વયંભૂ કરી હતી એ સુરતના હીરા ઉદ્યોગપતિ દિલીપભાઈ ઢાપાનું પ્રદેશ કાર્યાલય કમલમ્ ખાતે ભાજપામાં સ્વાગત કર્યું.

નોકરી આપી નથી શકતા અને લોકશાહીમાં પોતાની મરજી મુજબ ક્યાં મત આપવો એનો કોઈ અધિકાર છીનવે અને નોકરીમાંથી છુટા કરવાની ધમકી આપે એનું સન્માન કરીને શું ગુજરાતને ગુંડા રાજમાં ફેરવવા માંગો છો ?આવી હલકી માનસિકતા લાવો છો ક્યાંથી ?ભાઉના રાજમાં ગુજરાતીઓની નોકરી પણ જઈ રહી છે !ગુજરાતીઓ જાગો https://t.co/EVRj1Q7sj3

— Isudan Gadhvi (@isudan_gadhvi) September 27, 2022

જ્યારે આ સમગ્ર મામલે AAPના ઈસુદાન ગઢવીએ ભાજપ પર પ્રહાર કર્યા
ઈસુદાન ગઢવીએ ટ્વીટ કરીને કહ્યું કે, નોકરી આપી નથી શકતા અને લોકશાહીમાં પોતાની મરજી મુજબ ક્યાં મત આપવો એનો કોઈ અધિકાર છીનવે અને નોકરીમાંથી છુટા કરવાની ધમકી આપે એનું સન્માન કરીને શું ગુજરાતને ગુંડા રાજમાં ફેરવવા માંગો છો? આવી હલકી માનસિકતા લાવો છો ક્યાંથી? ભાઉના રાજમાં ગુજરાતીઓની નોકરી પણ જઈ રહી છે! ગુજરાતીઓ જાગો.