દેશમાં પહેલીવાર અંડર વોટર બુલેટ ટ્રેન દોડતી થશે! અમદાવાદ-મુંબઈ રૂટ પર થશે નિર્માણ

બાંદ્રા-કુર્લા સંકુલ અને શિલફાટાના ભૂગર્ભ સ્ટેશનોને જોડવા માટે બાંધકામ કરવામાં આવશે
આ ટનલ મહારાષ્ટ્રના થાણે જિલ્લાના બાંદ્રા-કુર્લા સંકુલ અને શિલફાટાના ભૂગર્ભ સ્ટેશનોને જોડવા માટે બનાવવામાં આવશે. થાણેના અખાતમાં બાંધવામાં આવનારી આ ટનલના નિર્માણ માટે તૈયાર કરાયેલા ટેન્ડર દસ્તાવેજ મુજબ, આ ટનલનું નિર્માણ ટનલ બોરિંગ મશીનો અને ન્યૂ ઓસ્ટ્રિયન ટનલિંગ પદ્ધતિનો ઉપયોગ કરીને થશે.

બ્રહ્મપુત્રા નદીમાં ટનલ બનાવવાની યોજના પર કામ કરાઈ શકે
તમને જણાવી દઈએ કે અગાઉ દિલ્હી-મુંબઈ રેપિડ રેલ ટ્રાન્ઝિટ પ્રોજેક્ટ માટે યમુના નદીમાં પાણીની અંદર ટનલ બનાવવાનો પ્રસ્તાવ તૈયાર કરવામાં આવ્યો હતો. પરંતુ આ શક્ય ન હતું. આ સાથે જ માર્ગ અને રેલવે મંત્રાલય બ્રહ્મપુત્રા નદીમાં ટનલ બનાવવાની યોજના પર પણ કામ કરી રહ્યું છે. જેનો ઉપયોગ વાહનો અને ટ્રેન બંનેના સંચાલન માટે થઈ શકે છે.

શું હશે દરિયામાં બનેલી ટનલની વિશેષતા?
NHSRCL અનુસાર, થાણેની ખાડીમાં ટનલ સિંગલ ટ્યુબની ટેક્નોલોજી પર આધારિત હશે. આ ટ્યુનમાં ઇનકમિંગ અને આઉટગોઇંગ બંને ટ્રેક હશે. NHSRCL અનુસાર, આ પ્રોજેક્ટમાં ટનલ સાઇટને અડીને 37 સ્થળોએ 39 સાધનોનાં રૂમ પણ બનાવવામાં આવશે.

મુંબઈમાં ટેકરીથી 114 મીટર નીચે બાંધકામ કરવામાં આવશે
દેશમાં પ્રથમવાર બનાવવામાં આવનારી આ ટનલ જમીનના સ્તરથી લગભગ 25 થી 65 મીટર નીચે બનાવવામાં આવશે. તેની સૌથી ઊંડી બાંધકામ સાઇટ મુંબઈમાં શિલફાટા નજીક પારસિક હિલથી 114 મીટર નીચે હશે. આ પ્રોજેક્ટ માટે 13.1 મીટર વ્યાસ કટર હેડ સાથે ટનલ બોરિંગ મશીનોનો ઉપયોગ કરવામાં આવશે.

2026 સુધી દેશમાં બુલેટ ટ્રેન દોડાવવાનું લક્ષ્ય
બુલેટ ટ્રેન પ્રોજેક્ટ હેઠળ અંડરવોટર ટનલ બનાવવા માટે દેશમાં આ પ્રકારનો પ્રથમ પ્રોજેક્ટ છે. તેના બાંધકામ માટે બિડ સબમિટ કરવાની છેલ્લી તારીખ 29 જાન્યુઆરી 2023 નક્કી કરવામાં આવી છે. તમને જણાવી દઈએ કે રેલ્વે મંત્રાલયને આશા છે કે વર્ષ 2026માં ગુજરાતમાં 50 કિલોમીટરના રૂટ પર બુલેટ ટ્રેનની પ્રથમ ટ્રાયલ રન શરૂ થશે.