બળદ ગાડુ AAPની બેઠકમાં ધસી આવ્યું, તોડફોડ થતા લોકોના શ્વાસ અધ્ધર

માંગરોળના શેખપુર ગામે આમ આદમી પાર્ટી ની મીટીંગમાં બળદ ગાડુ ઘુસી ગયુ..

થોડીવાર માટે લોકોના શ્વાસ અઘ્ધર થયા, સદ નસીબે કોઈ જાન હાની નહીં.15 જેટલી ખુરશીઓ તુટી,
આમ આદમીની મીટીંગ માં માઈક ચાલુ થતાં રસ્તા પરથી પસાર થતા બળદ ગાડા ના બળદો ભળકતા સભામાં ઘુસી જતા નાશ ભાગ મચી જવા પામી હતી. pic.twitter.com/u4CTAbmJFy

— Gujarat Tak (@GujaratTak) August 29, 2022

માઈક ચાલુ થયું અને તોડફોડ શરૂ…
આમ આદમી પાર્ટીની બેઠકનું માઈક ચાલુ થયું અને બીજી બાજુ એક બળદ ગાડુ પૂર ઝડપે ત્યાં ધસી આવ્યું હતું. આ બળદ ગાડામાં કુલ 5થી 6 લોકો બેઠા હતા અને એની સાથે ઘાસચારો પણ હતો. અચાનક જ બેઠક વચ્ચે અચાનક જ બળદ ભડક્યો અને તેણે સભામાં તોડફોડ કરવાનું શરૂ કરી દીધું હતું. આ તોડફોડ દરમિયાન 15 જેટલી ખૂરશીઓ તૂટી ગઈ હતી.

લોકો જીવ બચાવી ભાગ્યા
બેઠકમાં બળદ જેવી રીતે તોફાન કરવા લાગ્યો હતો તેને જોતા લોકોના શ્વાસ અધ્ધર થઈ ગયા હતા. એટલું જ નહીં ખુરશીઓ છોડીને પોતે આમ તેમ નાસ ભાગ કરતા વીડિયોમાં કેદ થયા હતા. આ સમગ્ર ઘટનાનો વીડિયો વાઈરલ થઈ રહ્યો છે.