BJPનો દાવો- સત્યેન્દ્ર જૈનને મસાજ આપનારો શખસ નીકળ્યો રેપિસ્ટ, પૂછ્યુંઃ સેવાના બદલે શું ડીલ થઈ હશે…

સત્યેન્દ્ર જૈને મસાજ લીધો એ માણસ રેપિસ્ટ હોવાનો આરોપ
મસાજ કરાવતા વીડિયો લીક ઘટનામાં વધુ એક ઘટસ્ફોટ થયો છે. ભાજપના નેતા તેજેન્દ્ર પાલે દાવો કર્યો છે કે આ મસાજ આપતો શખસ રેપિસ્ટ છે. મીડિયા રિપોર્ટ્સ પ્રમાણે તે POCSOની કલમ હેઠળ સજા ભોગવી રહ્યો છે. તેજેન્દ્ર પાલે ટ્વીટ કરીને લખ્યું કે સત્યેન્દ્ર જૈનને મસાજ આપનારો પોક્સો એક્ટમાં તિહાર જેલમાં રેપની સજા ભોગવનારો રિંકુ નીકળ્યો છે. સત્યેન્દ્ર જૈને સેવા કરવાના બદલે રેપના આરોપી સાથે શું ડીલ કરી હશે?

सत्येंद्र जैन को मसाज देने वाला निकला पाक्सो एक्ट में तिहाड़ जेल में रेप की सजा काट रहा रिंकु । सत्येंद्र जैन ने सेवा के बदले रेप के आरोपी से क्या डील थी ?

— Tejinder Pall Singh Bagga (@TajinderBagga) November 22, 2022

અમિત શાહ જેલમાં હતા ત્યારે તેમને VIP ટ્રિટમેટ મળતી- કેજરીવાલ
વાઈરલ વીડિયોમાં સત્યેન્દ્ર જૈન મસાજ કરાવતા હોવાની ચર્ચાએ જોર પકડ્યું હતું. તેવામાં આ અંગે અરવિંદ કેજરીવાલે કહ્યું કે સત્યેન્દ્ર જૈન મસાજ નહોતા કરાવતા ડોકટરના આદેશ પ્રમાણે ફિઝિયો થેરાપી કરાવતા હતા. અમિત શાહ જ્યારે ગુજરાતમાં મંત્રી હતા તેઓ જ્યારે જેલમાં હતા. તેમને જેવી VIP ટ્રિટમેન્ટ ગુજરાતમાં મળી હતી, તેવી તો કોઈ વી.આઈ.પી. ટ્રિટમેન્ટ સત્યેન્દ્ર જૈનને મળી નથી.