વિરમગામથી ટિકિટ માટે Hardik Patel સામે દાવેદારી નોંધાવનાર વરુણ પટેલની અમિત શાહ સાથે મુલાકાત

વરુણ પટેલે દિલ્હી જઈ અમિત શાહ સાથે મુલાકાત કરી
વરુણ પટેલે પોતાના ટ્વિટર એક તસવીર પોસ્ટ કરી છે, તેમાં જેઓ અમિત શાહ સાથે છે. સાથે જ તેમણે કેપ્શન આપ્યું છે કે, દેશના ગૃહ અને સહકાર મંત્રી અમિત શાહ સાથે તેમના દિલ્હી સ્થિત નિવાસસ્થાને યાદગાર મુલાકાત.

ભારત ના ગૃહ અને સહકાર મંત્રી દેશ ના લોકપ્રિય નેતા સન્માનનીય શ્રી અમિત ભાઈ શાહ સાથે તેમના દિલ્લી સ્થિત નિવાસ સ્થાને યાદગાર મુલાકાત.
ગુજરાત ની રાજનીતિ બાબતે માર્ગદર્શન અને આશીર્વાદ મેળવી ખૂબ આનંદ ની લાગણી અને ઊર્જા ની અનુભૂતિ ? @AmitShah @BJP4Gujarat @HMOIndia pic.twitter.com/8kQqAPH7Yr

— Varun Patel (@varunpateloffic) November 1, 2022

વિરમગામ બેઠક પરથી 15 દાવેદારોએ ટિકિટ માગી
વિરમગામની બેઠક પર ભાજપમાંથી ચૂંટણી લડવા માટે 15 જેટલા દાવેદારોએ દાવેદારી નોંધાવી છે. જેમાં વરુણ પટેલ, પૂર્વ ધારાસભ્ય તેજશ્રી બેન પટેલ સહિતના ઘણા નેતાઓ મેદાનમાં છે. ત્યારે ચૂંટણી માટે ઉમેદવારોની જાહેરાત પહેલા જ વરુણ પટેલની આ મુલાકાત ઘણી સૂચક માનવામાં આવી રહી છે. હાલમાં તો વિરમગામની બેઠક પરથી હાર્દિક પટેલ જ પ્રબળ દાવેદાર ગણાય છે, ત્યારે વરુણ પટેલની આ મુલાકાત બાદ શું હાર્દિક પટેલનું પત્તું કપાશે કે પછી પાર્ટી તેમને ટિકિટ આપશે તેના પર ખાસ જોવાનું રહેશે.

નોંધનીય છે કે કોંગ્રેસમાંથી ભાજપમાં આવેલા હાર્દિક પટેલે આ વખતે વિરમગામ બેઠક પરથી ભાજપમાંથી ટિકિટ માગી છે. આ માટે તેમના સમર્થકો દ્વારા દાવેદારી નોંધાવવામાં આવી હતી. છેલ્લા ઘણા સમયથી હાર્દિક પટેલ વિરમગામમાં ગ્રાઉન્ડ લેવલથી સામાજિક કાર્યક્રમો કરી રહ્યા છે.