‘2015 જોઈ છે, હવે 2022માં આ કરવા મજબૂર ના કરો’, BJPના નેતાએ કેમ સરકારને આપી ચીમકી?

‘હું ગોંડલમાં 150 લોકોને ઓળખું છું જેના પર GUJCTOC થવી જોઈએ’
વરુણ પટેલે કાર્યક્રમમાં જાહેર મંચ પરથી સરકાર સામે મોરચો માંડતા કહ્યું કે, તમારા વતી જે લાગુ પડતા હોય તે તમામને કહેવા માગું છું કે, હું ગોંડલમાં 150 લોકોને ઓળખું છું જેના પર ગુજસીટોક થવી જોઈએ પણ એની ઉપર થઈ નથી. ખાલી ટાર્ગેટ કરીને એક જ વ્યક્તિને કે કોઈ સમાજનો યુવાન બાહુબલી બની ગયો છે, મર્દ બની ગયો છે એને કન્ટ્રોલ કરવા માટે તમે આવી રીતે કલમોનો ઉપયોગ કરશો તો 2015 તમે બધાયે જોઈ છે, ફરીથી 2022માં અમારે આ નથી કરવું, ફરી આ કરવા મજબૂર ન કરો.

સરકાર નું કહેવાતું સુશાસન સાચું કે પાર્ટી ના પ્રવક્તા ?? સાલું સમજાતું નથી …@CMOGuj @BJP4Gujarat @OfficialAlpesh @abpasmitatv @SandhyaPanchal_ @devanshijoshi71 @sandeshnews @Zee24Kalak @VtvGujarati @GSTV_NEWS @gopimaniar @GujaratTak @DeepalTrevedie @varunpateloffic pic.twitter.com/7efHpDEZ1B

— Dinesh Bambhania (@dineshbambhania) September 11, 2022

સરકાર સામે જ વરુણ પટેલે મોરચો માંડ્યો
વરુણ પટેલે આગળ કહ્યું, આ વસ્તુ ખાલી ગોંડલમાં નથી. જામનગરમાં પણ આપણો PAASનો કન્વીનર છે તે પણ ગુજસીટોકમાં અંદર છે. હું જામનગરમાં પણ 150 લોકોને ઓળખું છું જેમના પર ગુજસીટોક લાગવી જોઈએ તે લાગતી નથી. ટાર્ગેટ કરીને કોઈપણ વ્યક્તિ, કોઈપણ સમાજના યુવાનો પર ગુજસીટોક લાગવી ન જોઈએ અને લાગેલી હોય તો વહેલામાં વહેલી તકે હટાવવી જોઈએ. અને ના હટે તો યુદ્ધ એજ કલ્યાણના મિત્રોને વિનંતી કરું છું કે જે કરવું પડે તે કરવું જોઈએ. જે કરશો તેમાં હું ખભે ખભો મિલાવી તમારી જોડે ઊભો રહીશ.

શું છે GUJCTOC કાયદો?
GUJCTOC (ધ ગુજરાત કંટ્રોલ ઓફ ટેરરિઝમ એન્ડ ઓર્ગેનાઇઝ ક્રાઇમ) એક્ટ-2015 ખૂન, ખંડણી, જમીન પચાવી પાડવી, સોપારી આપવી, આર્થિક ગુના, આર્મ્સ એક્ટ, વિસ્ફોટક નિયંત્રણ ધારાભંગ, લૂંટ, ચોરી, છેડતી, મોટા સાયબર ગુના અને મોટા પાયે જુગાર, માનવ તસ્કરી કૌભાંડ સહિતની પ્રવૃત્તિઓમાં લાગે છે.