‘આંતકવાદીઓથી પણ વધુ ભયાનક ખતરો રખડતા ઢોરનો છે’, BJPના જ નેતાએ કરેલા ટ્વીટથી ખળભળાટ

ભાજપના નેતાએ ટ્વીટ કરીને શું કહ્યું?
અમરેલીથી ભાજપના નેતા ડો. ભરત કાનાબારે ટ્વીટ કર્યું છે કે, આંતકવાદીઓથી પણ વધુ ભયાનક ખતરો કોઈનો હોય તો તે રખડતા ઢોરનો છે. જે ગમે ત્યારે કોઈ પણ નિર્દોષ નાગરિકનો ભોગ લઇ શકે છે. સમગ્ર દુનિયાને હચમચાવી નાખનાર કોરોના વાયરસને સફળતાપૂર્વક નાથનાર તંત્ર આ સમસ્યાનો ઉકેલ ઝડપથી શોધે તેવું લોકો ઈચ્છે છે. તેમણે આ ટ્વીટમાં PM મોદી, અમિત શાહ, ભૂપેન્દ્ર પટેલ અને સી.આર પાટીલને પણ ટેગ કર્યા છે અને તેમના સુધી આ સમસ્યા પહોંચાડી છે.

ભાવનગરમાં 29 વર્ષના યુવકનું થયું હતું મોત
ગઈકાલે 29 વર્ષીય રવિભાઈ અમૃતભાઈ પટેલ નામના યુવાનનું રખડતા ઢોરે હડફેટે લેતા મૃત્યુ થયું હતું. રવિ પટેલ મહેસાણાનો રહેવાસી અને હાલ ભાવનગરના કળિયાબીડ વિસ્તારમાં રહેતો હોવાનું સામે આવ્યું હતું. રાજકોટ મવડી પોલીસ હેડ ક્વાર્ટરમાં જ જોવા મળ્યો ઢોરનો ત્રાસ જોવા મળ્યો હતો. કાયદાનું રક્ષણ કરનાર જ રખડતા ઢોરનો શિકાર બન્યા હતા.