BJPએ ‘આ ગુજરાત મેં બનાવ્યું’ કેમ્પેઈનના શ્રી ગણેશ કર્યા, CR પાટીલે આપ્યું મોટુ નિવેદન…

જાણો કેમ્પેઈન વિશે વિગતવાર…
આ ગુજરાત મેં બનાવ્યું છે એ કેમ્પેઈન દ્વારા ભાજપ ગુજરાત રાજ્યને ગુજરાતીઓ દ્વારા જ આગળ વધારવામાં આવ્યું છે. ગુજરાતની સંસ્કૃતિ અને ધરોહરને પણ સાચવવામાં આવી છે. આ કેમ્પેઈન હેઠળ છેલ્લા 2થી વધુ દશકાઓથી જે વિકાસલક્ષી કાર્યો હાથ ધરાયા છે એની પણ જાહેરાત કરાઈ શકે છે. આમાં ગુજરાતીઓની પ્રાથમિક જરૂરિયાતોથી લઈને રાજ્યને કેવી રીતે આગળ વધારાયું છે એ મુદ્દાને આવરી લેવાયા છે.

પ્રત્યેક ગુજરાતી બોલે છે
“આ ગુજરાત મેં બનાવ્યું છે ”#આ_ગુજરાત_મેં_બનાવ્યું_છે pic.twitter.com/VKFMrEy4gy

— C R Paatil (@CRPaatil) November 7, 2022

ભાજપ અને ભરોસાના સમન્વય માટે કેમ્પેઈન શરૂ કરાયું…
ગુજરાતીઓ ભાજપ સરકાર પર કેમ વિશ્વાસ કરે એના માટેના મુદ્દાઓને આ કેમ્પેઈનમાં આવરી લેવાયા છે. ઉલ્લેખનીય છે કે રવિવારે વડાપ્રધાન નરેન્દ્ર મોદી ચૂંટણી જાહેર થયા પછી ગુજરાત રાજ્યના પ્રવાસે આવ્યા હતા. ત્યારે તેમણે જનતાને નવો નારો આપ્યો હતો કે આ ગુજરાત મેં બનાવ્યું છે. તેમણે વધુમાં કહ્યું કે દરેક ગુજરાતીએ ગુજરાતને બનાવ્યું છે. લોકો તનતોડ મહેનત કરી રહ્યા છે એટલે ગુજરાત આટલુ અગ્રેસર છે. અત્યારે સમગ્ર વિશ્વમાં એક જ સંદેશો છે કે આ ગુજરાત ગુજરાતીઓએ બનાવ્યું છે.