મત માગવા ગયેલા નેતાજીના બગડ્યા સૂર, BJPના ઉમેદવારનો મતદારોને ધમકાવતો વીડિયો વાઈરલ

વીડિયોમાં શું કહી રહ્યા છે ભાજપના ઉમેદવાર?
ભાજપે છોટા ઉદેપુરની સંખેડા બેઠક પરથી ફરી તેમના ધારાસભ્ય અભેસિંહ તડવીને ટિકિટ આપીને ચૂંટણી લડવા મેદાનમાં ઉતાર્યા છે. ત્યારે અભેસિંહ તડવીનો એક વીડિયો હાલમાં વાઈરલ થઈ રહ્યો છે. વીડિયોમાં ધારાસભ્ય અભેસિંહ લોકોને કહી રહ્યા છે કે, કોઈના કીધે ચડી નહીં જવાનું. સમજ પડે છે ને જે બોલું છું તે? બધું કામ થશે ભાઈ. જોકે એક વ્યક્તિ સામે કહે છે કે, ધમકીથી નહીં કહેવાનું તો ધારાસભ્ય તેને ત્યાંથી તગેડી મૂકે છે. પછી કહે છે, તમારા આવાસનો પ્રશ્નનો નિકાલ થઈ ગયો. હું આવીશ આ ગામમાં. અનાજ મળ્યું છે અને તમે ખાધું છે, હવે ઋષ ચૂકવવાનો સમય આવ્યો છે ભાઈ. તમને જે યોગ્ય લાગે તે કરજો. મત નહીં મળે તો મને કંઈ ફરક પડવાનો નથી.

છોટાઉદપુરની સંખેડા વિધાનસભાના ભાજપના ઉમેદવાર અને ધારાસભ્ય અભેસિંહ તડવીનો મતદારોને ધમકાવતો વીડિયો થયો વાયરલ #GujaratElections2022 #electionwithgujarattak #VideoViral pic.twitter.com/ov9QNYONly

— Gujarat Tak (@GujaratTak) November 17, 2022

ભાજપમાં ટિકિટ માટે ભારે ખેંચતાણ
નોંધનીય છે કે, ભાજપના જ વર્તમાન ધારાસભ્ય અને ઉમેદવાર એવા અભેસિંહ તડવી મતદારો સાથેના આ વ્યવહારને લઈને અનેક તર્કવિતર્કો સર્જાઈ રહ્યા છે. ભાજપ દ્વારા આ વખતે ચૂંટણીમાં 39 જેટલા ધારાસભ્યોની ટિકિટ કાપી નાખવામાં આવી છે. ઘણા નેતાઓ દ્વારા ટિકિટની માગણી કરાઈ હતી. જોકે ટિકિટ ન મળતા નેતાઓના નારાજ સમર્થકો ભારે વિરોધ નોંધાવી રહ્યા છે.

(વિથ ઈનપુટ: દિગ્વિજય પાઠક)