ગુજરાતમાં મફત સારવારનું વચન આપનાર કેજરીવાલે દિલ્હીમાં આયુષ્માન ભારત યોજના લાગુ નથી કરી?

ભાજપ દ્વારા કરાયો આક્ષેપ
ગુજરાત ભાજપના મીડિયા કન્વીનર યજ્ઞેશ પટેલે ટ્વીટ કરીને જણાવ્યું કે, RTIથી પર્દાફાશ… કેન્દ્ર સરકારની આયુષ્માન ભારત યોજના પબ્લિક અને પ્રાઈવેટ હોસ્પિટલોમાં રૂ.5 લાખ સુધીની મેડિકલ ટ્રિટમેન્ટ મળે છે. આશ્ચર્યની વાત એ છે કે ગુજરાતમાં આ મફત સારવારનું વચન આપનારી અરવિંદ કેજરીવાલ સરકારે આ યોજના દિલ્હીમાં હજુ સુધી શરૂ નથી થવા દીધી.

RTI से पर्दाफाश..
केंद्र सरकार की Ayushman Bharat योजना पब्लिक और प्राइवेट हॉस्पिटल में 5 लाख रुपए तक का मेडिकल ट्रीटमेंट मिलता है। आश्चर्य की बात है कि Gujarat में मुफ्त इलाज़ का वादा करने वाली @ArvindKejriwal सरकार ने यह योजना Delhi में अभी तक शुरू नहीं होने दिया है। pic.twitter.com/4AdlNp5diU

— Dr.Yagnesh Dave (@yagnesh_dave) September 14, 2022

અરવિંદ કેજરીવાલે ગુજરાતમાં મફત સારવારની ગેરંટી આપી હતી
દિલ્હીના મુખ્યમંત્રી અરવિંદ કેજરીવાલે ગુજરાતની મુલાકાત દરમિયાન સ્વાસ્થ્યની ગેરંટી આપી હતી. જેમાં તેમણે દરેક નાગરિક માટે નિઃશુલ્ક અને શ્રેષ્ઠ સારવાર, દવાઓ, ટેસ્ટ અને ઓપરેશન નિઃશુલ્ક કરવાની, દરેક ગામ અને વોર્ડમાં મોહલ્લા ક્લિનિક ખોલવાની. નવી સરકારી હોસ્પિટલ ખોલવાની તથા અકસ્માતગ્રસ્ત દર્દીઓની પણ ફ્રી સારવાર કરવાની ગેરંટી આપી હતી.

શું છે આયુષ્માન ભારત યોજના?
વડાપ્રધાન નરેન્દ્ર મોદીએ ત્રણ વર્ષ પહેલા આયુષ્માન ભારત યોજના લોન્ચ કરી હતી. જે દુનિયાની સૌથી મોટી હેલ્થ ઈન્શ્યોરન્સ સ્કીમ છે. તેમાં દેશના 10 કરોડથી વધુ પરિવારોને રૂ.5 લાખ સુધીનું વાર્ષિક હેલ્થ કવર મળે છે. સ્કીમમાં સામેલ કોઈપણ ખાનગી કે પ્રાઈવેટ હોસ્પિટલમાં કાર્ડ ધરાવતી દર્દી મફત સારવાર કરાવી શકે છે.