ભ્રષ્ટાચારનું વધુ એક ઉદાહરણ! કરોડોના ખર્ચે બનેલો બ્રિજ ઉદ્ધાટન થાય ત્યાં સુધી પણ ન ટકી શક્યો

સ્થાનિકોએ બ્રિજમાં તિરાડો પડવાની ફરિયાદ કરી હતી
જોકે બ્રિજ સુધી જવા માટેનો એપ્રોચ રોડ તૈયાર ન થયો હોવાના કારણે મોટાભાગનો વાહન વ્યવહાર બંધ હતો, પરંતુ ટ્રેક્ટર જેવા વાહનો જેમ તેમ કરીને બ્રિજ પરથી પસાર થઈ રહ્યા હતા. બ્રિજ રવિવારે સવારે 5 વાગ્યે તૂટી પડ્યો હતો, એવામાં દિવસ દરમિયાન જો આ દુર્ઘટના સર્જાઈ હોત તો મોટી જાનહાનિ થઈ હોત. બ્રિજમાં થોડા દિવસો પહેલા જ તિરાડો પડી હતી, પરંતુ તેમાં કોઈ કામ ન કરાયું. જોકે આ મામલે હજુ સુધી બિહારની નીતિશ સરકાર કે પ્રશાસન તરફથી કોઈ પ્રતિક્રિયા સામે આવી નથી.

ઉદ્ધાટન પહેલા બ્રિજ ધરાશાયી
આ મામલે વિષ્ણુપુરના સરપંત સુબોધ યાદવનું કહેવું છે કે, તેમણે કામ શરૂ થતા જ તેમાં બેદરકારી જોઈ હતી અને તેની ફરિયાદ કરી હતી. જોકે તેમ છતાં કોઈ કાર્યવાહી ન કરાઈ. મુખ્યમંત્રી નાબાર્ડ યોજના અંતર્ગત બનેલો ભ્રષ્ટાચારનો આ બ્રિજ ઉદ્ધાટન થાય તે પહેલા જ ધરાશાયી થઈ ગયો. બ્રિજનો એક ભાગ તૂટીને ગંડક નદીમાં સમાઈ ગયો હતો. બ્રિજ તૂટી જતા 15થી 20 હજાર લોકોને તેની અસર થશે.