Aditya L1 Mission: ISROએ સૂર્ય મિશનને લઈને આપ્યું મોટું અપડેટ, આ દિવસે L1 પોઈન્ટ પર પહોંચશે આદિત્ય L-1

6 જાન્યુઆરીએ L1 પોઈન્ટમાં પ્રવેશ કરશે

ISROના ચીફ એસ સોમનાથે જણાવ્યું હતું કે, આદિત્ય L1 6 જાન્યુઆરીએ L1 પોઇન્ટમાં પ્રવેશ કરશે. જ્યારે તે L1 પોઈન્ટ પર પહોંચશે, ત્યારે અમારે ફરી એકવાર એન્જિન ચાલુ કરવું પડશે જેથી તે આગળ ન વધે. આદિત્ય L1 તે બિંદુ સુધી જશે અને એકવાર જ્યારે આદિત્ય L1 તે બિંદુ સુધી પહોંચી જશે, ત્યારે તે તેની ચારેય બાજુ ફરવા લાગશે L1 પર ફસાઈ જશે.

VIDEO | "Aditya L1 will enter L1 point on January 6. That is what is expected; exact time will be announced at the appropriate time," says ISRO Chairman S Somanath on Aditya L1 Mission. pic.twitter.com/qriJWfzcR8

— Press Trust of India (@PTI_News) December 22, 2023

ભારત ભવિષ્યમાં બનવા જઈ રહ્યો છે શક્તિશાળી દેશ

ઈસરોના વડાએ કહ્યું કે, જ્યારે આદિત્ય L1 તેના ગંતવ્ય પર પહોંચી જશે, ત્યારે તે આગામી 5 વર્ષ સુધી સૂર્ય પર થવા જઈ રહેલી વિવિધ ઘટનાઓને શોધવામાં મદદ કરશે. તેમણે કહ્યું કે, ભારત ભવિષ્યમાં ટેકનોલોજીને લઈને શક્તિશાળી દેશ બનવા જઈ રહ્યો છે.

શું છે આ મિશનનો ઉદ્દેશ્ય?

આ મિશનનો ઉદ્દેશ્ય સૂર્યનો અભ્યાસ કરવાનો છે. સાથે જ સૂર્યમાંથી નીકળતા પ્રકાશ અને ઊર્જા સહિત ઘણા ગતિશીલ પરિવર્તન અને વિસ્ફોટક ઘટનાઓ વિશે માહિતી એકત્રિત કરવાની રહેશે.