Budget 2023: ઘરના ઘરનું સપનું પૂરું કરવા PM આવાસ યોજનાને લઈને બજેટમાં મોટી જાહેરાત કરાઈ

ગત બજેટમાં રૂ.48000 કરોડની ફાળવણી થઈ હતી
નોંધનીય છે કે, વર્ષ 2022-23માં નાણામંત્રી નિર્મલા સીતારમણે પ્રધાનમંત્રી આવાસ યોજના માટે 48,000 કરોડ રૂપિયાની ફાળવણી કરી હતી. પ્રધાનમંત્રી આવાસ યોજનાનો ઉદ્દેશ્ય દેશના તમામ લોકોને પોતાનું ઘર મળી રહે તે માટેનો છે. આ યોજનામાં સરકાર એવા લોકોને ઘર બનાવવા માટે પૈસા આપે છે, જેમની પાસે પાકું ઘર નથી હોતું.

ગરીબોને આશરો મળે તેવો હેતુ
પ્રધાનમંત્રી આવાસ યોજના અંતર્ગત દરેક નાણાકીય વર્ષમાં અલગ-અલગ ટાર્ગેટ ભારત સરકાર અને રાજ્ય સરકારને ફાળવાય છે. પાત્રતાની વાત કરીએ તો આ યોજના અંતર્ગત ગરીબ પરિવારોને મકાનની ફાળવણી કરવામાં આવી છે. તેમાં આ લોકોને ઘર આપવામાં આવે છે. જેમની પાસે પાકું મકાન ન હોય. આવાસ યોજના અંતર્ગત લિસ્ટ તૈયાર કરતા સમયે આ ચેક કરાય છે કે લાભાર્થી પાસે કોઈ ટુ-વ્હીલર, થ્રી-વ્હીલર વાહન છે કે નહીં. આ સાથે અન્ય કેટલાક ધોરણો નક્કી કરવામાં આવ્યા છે.

આ લોકો યોજનાનો લાભ નહીં લઈ શકે
આ ઉપરાંત જો કોઈની પાસે રૂ.50 હજાર કે તેનાથી વધારેનું કિસાન ક્રેડિટ કાર્ડ હોય તેમને પીએમ આવાસ યોજનાનો લાભ નથી મળતો. ઉપરાંત પરિવારમાં કોઈ સરકારી કર્મચારી હોય તો પણ પરિવાર આ યોજનાનો લાભ નથી ઉઠાવી શકતો. પરિવારમાં કોઈ વ્યક્તિ 10 હજાર રૂપિયા પ્રતિ માસ કમાય તો પણ યોજનાનો લાભ નહીં મળે. આવી જ રીતે કોઈ પરિવાર પાસે ફ્રીઝ, લેન્ડલાઈન કનેક્શન અથવા અઢી એકર કે તેથી વધુ ખેતીની જમીન હોય તો પણ યોજના માટે પાત્ર નથી.