ભારત બાયોટેકની Nasal વેક્સિનને સરકારની મંજૂરી, હવે નાકમાં બે ટીપાં અને કોરોનાનો ખાત્મો થશે!

Cowin App પર સામેલ થશે વેક્સિન
જાણકારી મુજબ, આજથી જ Cowin એપ પર ભારત બાયોટેકની આ નેઝલ વેક્સિનને સામેલ કરી દેવામાં આવશે. જોકે હજુ તે પ્રાઈવેટ હોસ્પિટલોમાં જ ઉપલબ્ધ થશે. માનવામાં આવી રહ્યું છે કે, જલ્દી જ સરકાર તેને સરકારી હોસ્પિટલથી લઈને માર્કેટમાં પણ ઉપલબ્ધ કરાવી શકે છે. આ વેક્સિનને મંજૂરી મળતા જ હવે કોઈને વેક્સિન માટે ઈન્જેક્શન લેવાની જરૂર નહીં પડે, નાકમાં બે ડ્રોપવાળી આ વેક્સિન પણ લઈ શકે છે.

Govt of India approves Nasal vaccine. It will be used as a heterologous booster & will be available first in private hospitals. It will be included in #COVID19 vaccination program from today: Official Sources pic.twitter.com/eaxVoX2Hp9

— ANI (@ANI) December 23, 2022

ભારત બાયોટેકે વિકસાવી છે ઈનકોવૈક વેક્સિન
ઉલ્લેખનીય છે કે, પાછલા મહિને ભારત બાયોટેક ઈન્ટરનેશનલ લિમિટેડે નાકથી અપાતી વેક્સિન ઈનકોવૈકને લઈને કેન્દ્ર સરકારનો સંપર્ક કર્યો હતો. નવેમ્બરમાં ભારત બાયોટેકે કેન્દ્ર સરકારને નાકથી અપાતી પોતાની કોરોના વિરોધી રસી ઈનકોવૈક (iNCOVACC)ને કોવિન પોર્ટલમાં સામેલ કરવાનો અનુરોધ કર્યો હતો, જેથે તેને લેનારા લોકોને વેક્સિનેશનનું સર્ટિફિકેટ મળી શકે.