ભગવંત માને કહ્યું- AAP સરવેમાં નહીં સીધી સરકારમાં આવે છે, મોદી-મોદીના નારા લગાડનારા વિશે કહ્યું…

ભગવંત માને કહ્યું- અમે સરવેમાં નથી આવતા સરકાર બનાવીએ છીએ
ચૂંટણીમાં સંબોધન દરમિયાન ભગવંત માને કહ્યું કે અમે ક્યારેય પણ સરવેમાં નથી આવતા. અમે તો સીધી સરકાર જ બનાવી દઈએ છીએ. આની સાથે તેમણે આમ આદમી પાર્ટીની ગુજરાતમાં જીત થશે એવો દાવો કર્યો હતો.

મોદી મોદીના નારા લગાડતા લોકોને મે પૂછ્યું- ભગવંત માન…
ભગવંત માને કહ્યું કે મારી એક રેલીમાં મોદી મોદી નારા લગાવતા લોકોને મેં જોયા હતા. આ દરમિયાન ભગવંત માને દાવો કર્યો છે કે જ્યારે તેમણે આ નારા લગાવતા લોકો સાથે વાતચીત કરી તો લોકોએ કહ્યું કે અમને તો રૂપિયા આપીને આમ કરવા માટે કહેવાયું છે.

ભગવંત માને આપ્યું વિવાદાસ્પદ નિવેદન!
ભગવંત માને પ્રચાર દરમિયાન કહ્યું કે ભાજપ પાસે પૈસા ઘણા બધા છે. તેઓ જો રૂપિયા લઈને તમારી પાસે આવે તો ના ન પાડતા લઈ લેજો. કારણ કે લક્ષ્મી ઘરમાં તિલક કરવા માટે આવી રહ્યા છે ત્યારે ના ન પડાય. વળી તે જે રોકડ લઈને આવશે એ તમારી પાસેથી જ લૂંટેલી હશે. પરંતુ વોટ આપતા સમયે તમે સમજી વિચારીને મત આપજો.

દિલ્હીના ચૂંટણી મોડલ વિશે ભગવંત માને કહ્યું…
વીજળીની સુવિધા દિલ્હીમાં ફ્રી છે, જ્યારે પંજાબમાં 1 જુલાઈથી બિલ માફ કરાયા છે. હું અહીં ગુજરાત આવ્યો છું ને એની પહેલા 20 હજાર સરકારી નોકરીઓ આપીને આવ્યો છું. અહીં પેપર લીક થતા હતા અને 5થી 10 લાખ રૂપિયામાં વેચાતા હતા.

With Input: નરેન્દ્ર પેપરવાલા