BCCI એ નીતિશ રાણાને ફટકાર્યો 24 લાખનો દંડ, KKRના કેપ્ટને જાણો શું કર્યું

IPL 2023 ની એક મેચમાં, 14 મેના રોજ, ચેન્નાઈ સુપર કિંગ્સ (CSK) અને કોલકાતા નાઈટ રાઈડર્સ (KKR) ની ટીમો સામસામે હતી. આ મેચમાં કોલકાતાના કેપ્ટન નીતીશ રાણા અને રિંકુ સિંહે શાનદાર ઇનિંગ્સ રમી હતી, જેના કારણે કોલકાતાની ટીમ ચેપોક સ્ટેડિયમમાં ચેન્નાઈ સામેની મેચ જીતી હતી.જોકે સ્લો ઓવર રેટના કારણે નીતિશ રાણાને 24 લાખ રૂપિયાનો દંડ ફટકારવામાં આવ્યો હતો.

બીજી વખત ફટકારવામાં આવ્યો દંડ
નીતિશે આ IPL સિઝનમાં બીજી વખત આ ગુનો કર્યો હતો, જેના કારણે ‘IPL કોડ ઓફ કન્ડક્ટ’ના કારણે તેને દંડ ફટકારવામાં આવ્યો હતો. 8મી મેના રોજ ઈડન ગાર્ડન્સમાં પંજાબ કિંગ્સ સામેની મેચમાં પણ KKRનો કેપ્ટન નીતિશ નિર્ધારિત સમયમાં ઓવરો ફેંકી શક્યો નહોતો.નીતીશ ઉપરાંત ટીમની પ્લેઈંગ ઈલેવન અને ઈમ્પેક્ટ સબસ્ટીટ્યુટ પ્લેયર પર 6 લાખ અથવા 25% મેચ ફી બેમાંથી જે પણ ઓછી હોય તે લાદવામાં આવી છે. IPL દ્વારા આ અંગે એક પ્રેસ રિલીઝ પણ જારી કરવામાં આવી છે.

ઘણા કેપ્ટન સ્લો ઓવર રેટમાં દાંડાઈ ચૂક્યા છે 
દિલ્હી કેપિટલ્સના કેપ્ટન ડેવિડ વોર્નરને 24 એપ્રિલે સનરાઇઝર્સ હૈદરાબાદ સામેની મેચમાં ધીમી ઓવર રેટ માટે 12 લાખ રૂપિયાનો દંડ ફટકારવામાં આવ્યો હતો. 23 એપ્રિલે, RCBએ IPLમાં બીજી વખત ધીમી ગતિથી સંબંધિત ભૂલ કરી હતી. જેના કારણે RCBના કેપ્ટન વિરાટ કોહલી પર 24 લાખ રૂપિયાનો દંડ ફટકારવામાં આવ્યો છે.

જ્યારે RCBના પ્લેઇંગ 11માં સામેલ બાકીના ખેલાડીઓ અને ઇમ્પેક્ટ સબસ્ટિટ્યુટને પણ દંડ ફટકારવામાં આવ્યો હતો. તેણે 6 લાખ રૂપિયા અથવા 25 ટકા મેચ ફી, જે ઓછું હોય તે ચૂકવવું પડ્યું. આ સિવાય ગુજરાત ટાઇટન્સના કેપ્ટન હાર્દિક પંડ્યા, રાજસ્થાન રોયલ્સના કેપ્ટન સંજુ સેમસન, RCBના કેપ્ટન ફાફ ડુ પ્લેસિસને પણ સ્લોઓવર રેટ સંબંધિત IPL આચાર સંહિતાનો ભંગ કરવા બદલ 12-12 લાખ રૂપિયાનો દંડ ફટકારવામાં આવ્યો છે.

સ્લો ઓવર રેટ પર શું કાર્યવાહી છે?
IPLનું લક્ષ્ય છે કે દરેક મેચ ત્રણ કલાક અને 20 મિનિટમાં સમાપ્ત થવી જોઈએ. પરંતુ, ઘણી આઈપીએલ મેચો ચાર કલાકથી વધુ સમય માટે ખેંચાઈ રહી છે. જો કોઈ ટીમનો કેપ્ટન પહેલીવાર સ્લો ઓવર રેટ કરે છે તો તેના પર 12 લાખ રૂપિયાનો દંડ ફટકારવામાં આવે છે. બીજી તરફ, જો કોઈ કેપ્ટન સ્લોઓવર રેટનું પુનરાવર્તન કરે છે, તો સમગ્ર ટીમને દંડ કરવામાં આવે છે.