‘BJP કાર્યકરો કે આગેવાનોએ અમારા વિસ્તારમાં મત માગવા આવવું નહીં’, ભાયાવદરમાં કેમ લાગ્યા આવા પોસ્ટર?

માલધારી સમાજમાં કેમ સરકારથી નારાજ?
ભાયાવદર શહેરમાં ઠેર ઠેર માલધારી સમાજ દ્વારા લગાવાયેલા પોસ્ટરમાં લખ્યું છે કે, લાંબા સમયથી અમારી કોમને અનુસૂચિત જાતિનો દરજ્જો આપવા સહિતની માગણી કરી રહ્યા હતા અને અમને તેમાં સંતોષકારક જવાબ તો મળ્યા જ નથી, નિરાકરણ નહીં નહીં. આથી અમે હવે ભાજપથી અંતર બનાવવાનું નક્કી કર્યું છે.

અગાઉ જૂનાગઢમાં પણ લાગ્યા હતા પોસ્ટર
નોંધનીય છે કે, આ પહેલા જૂનાગઢ જિલ્લાના માંગરોળ તાલુકાના શાપુરમાં પણ આ પ્રકારે ભાજપ વિરોધી બેનરો લાગ્યા હતા. આ અગાઉ પાણીધ્રા મુકામે થયેલા મહાસંમેલન બાદ પણ સરકારની આંખ નહી ઉઘડતા ચોરવાડના ભુવા આતાની આગેવાની હેઠળ માલધારી સમાજે સરકાર સામે બાંયો ચડાવી છે. ત્યારે હવે આગામી સમયમાં જોવાનું રહેશે કે ચૂંટણી પહેલા માલધારી મતદારોની નારાજગી ભાજપર સરકાર દૂર કરી શકશે કે નહીં.