AAPના પાંચ ધારાસભ્યો વિધાનસભામાં સરકારને ઘેરશે? કેજરીવાલે મીટિંગ કરીને શું શીખામણ આપી?

બેઠકમાં ધારાસભ્યો સાથે કયા મુદ્દે ચર્ચાઓ કરી?
દિલ્હીમાં AAPના સંયોજક અને મુખ્યમંત્રી સાથે તમામ ધારાસભ્યો અને ગુજરાતની પ્રદેશ ટીમે સંકલન મીટિંગ યોજી હતી. જેમાં ગુજરાતમાં આગામી સમયમાં યોજાનારી ચૂંટણીઓને લઈને, તથા વિધાનસભામાં લોકોના પ્રશ્નો કેવી રીતે ઉઠાવવા સહિતના મુદ્દાઓ પર ચર્ચા કરવામાં આવી હતી. તેવામાં હવે સવાલ એ થશે કે આમ આદમી પાર્ટીના પાંચ ધારાસભ્યો વિધાનસભામાં ભૂપેન્દ્ર સરકારને ઘેરવામાં સફળ રહેશે કે નહીં.

ઈસુદાને ટ્વીટ કરીને આપી જાણકારી
ઈસુદાન ગઢવીએ ટ્વીટ કરીને આ અંગે જાણકારી આપી હતી. સાથે જ તેમણે એક તસવીર પોસ્ટ કરી હતી. જેમાં કેજરીવાલની સાથે ગુજરાત AAPના ધારાસભ્યો, મનોજ સોરઠિયા, ઈસુદાન ગઢવી તથા ગોપાલ ઈટાલિયા પણ જોવા મળી રહ્યા હતા. ઉપરાંત દિલ્હીના AAPના ધારાસભ્યો પણ દેખાય છે.

ગુજરાતની પ્રદેશની ટિમ ,પ્રભારી અને પાંચેય જીતેલા ધારાસભ્યો અને આગેવાનો સાથે માનનીય અરવિંદ કેજરીવાલજી જોડે સંકલન મિટિંગ કરી ! ગુજરાતમાં યોજાનાર આગામી ચૂંટણીઓ સાથે સાથે ગુજરાતની જનતા માટે વિધાનસભામાં મુદ્દાઓ ઉઠાવી લોક સેવાનાં કામો થાય તે અંગે વિસ્તૃત ચર્ચા કરી ! pic.twitter.com/3sdiI8X0f4

— Isudan Gadhvi (@isudan_gadhvi) December 15, 2022