ગૌરવ યાત્રા દરમિયાન શંકર ચૌધરી પર જાહેરમાં શાહી ફેંકવાનો થયો પ્રયાસ, જાણો શું છે મામલો

ગુજરાત ભરમાં ભાજપ દ્વારા ગુજરાત ગૌરવ યાત્રાનું આયોજન થઈ રહ્યું છે. જેમાં સાબરકાંઠામાં નીકળેલી ગૌરવ યાત્રામાં કેન્દ્રીય મંત્રી રૂપાલા તેમજ શંકર ચૌધરી સહિતના નેતા હાજર હતા. ગૌરવ યાત્રા પ્રાતિજ થઈને ઈડર વિધાનસભા પહોંચી હતી. ત્યારે બોડેલીમાં ભાજપના નેતા શંકર ચૌધરી પર એક સગીરે અચાનક આવીને શંકર ચૌધરી પર સહી નાખવાનો પ્રયાસ કર્યો હતો. અર્બુદા સેના દ્વારા શાહી ફેંકાઈ હોવાના સ્થાનિકો દ્વારા કરાયા આક્ષેપ કરવામાં આવી રહ્યો છે.ચૌધરી સમાજના અગ્રણી અને ભાજપના નેતા શંકર ચૌધરી પર 15 વર્ષીય કિશોર દ્વારા શાહી ફેકવાનો પ્રયાસ કરવામાં આવ્યો હતો પરંતુ શંકર ચૌધરી સુધી શાહી પહોંચી નહિ. શાહી જમીન પર પડેલી દેખાઈ હતી.

મોરબીમાં પણ ભાજપના નેતાનો વિરોધ
ગુજરાત ભરમાં ભાજપ (BJP) દ્વારા પાંચ જેટલી ગૌરવ યાત્રાઓ નીકાળવામાં આવી છે. જેમાં આજે મોરબીના વાંકાનેર ખાતે કેન્દ્રિય મંત્રી પિયુષ ગોયલ ગૌરવ યાત્રામાં પહોંચ્યા હતા. જોકે મહિલાઓ દ્વારા ભાજપની આ સ્વાગત યાત્રામાં પાણી આપવાની માંગ સાથે વિરોધ કરવામાં આવ્યો હતો. મંત્રી પિયૂષ ગોયલના કાફલા સામે જ મહિલાઓએ ખાલી ઘડા વગાડ્યા હતા.
વિથ ઈનપુટ: હસમુખ પટેલ,સાબરકાંઠા