ગુજરાતની જીતની 2024ની લોકસભા ચૂંટણીમાં પોઝિટિવ અસર થશે: અમિત શાહ

સુરતમાં નવા ધારાસભ્યોના સન્માન સમારોહમાં શાહનું સંબોધન
સુરતમાં નવા ચૂંટાયેલા ધારાસભ્યોના સન્માન સમારોહમાં અમિત શાહે વર્ચ્યુઅલ સંબોધન કર્યું હતું. તેમણે કહ્યું કે, ગુજરાત ચૂંટણીમાં ઘણી નવી પાર્ટીઓ આવી, અલગ-અલગ દાવા અને ગેરંટીની વાત કરી, પરંતુ પરિણામ બાદ બધું સ્પષ્ટ થઈ ગયું. પરિણામે બતાવી દીધું કે ગુજરાતના લોકો પીએમ મોદી અને ભાજપનું સ્વાગત કરવા માટે તૈયાર હતા. જીતે દેશને એક મજબૂત સંદેશ આપ્યો છે કે ગુજરાત ભાજપનો ગઢ હતો અને રહેશે.

‘ગુજરાત ભાજપનો ગઢ છે અને રહેશે’
તેમણે વધુમાં કહ્યું હતું કે, ગુજરાતની ચૂંટણીમાં આ જીત દેશભરના કાર્યકર્તાઓનો ઉત્સાહ, પ્રેરણા અને ઉર્જાનો સ્ત્રોત છે. 2022ની ચૂંટણીમાં રેકોર્ડ તોડ પરિણામ ભાજપની બુથ સ્તરીય સમિતિથી લઈને પ્રદેશ અધ્યક્ષ સુધીના કાર્યકર્તાઓના કારણે છે. તેમણે એમ પણ કહ્યું કે, પીએમ મોદીની જનતા વચ્ચે અપાર લોકપ્રિયતા છે. આ કારણે જ ભાજપે ગુજરાતમાં 26માંથી 26 લોકસભા સીટો બીજી વખત હાંસેલ કરી છે.