વિધાનસભામાં આજે તમામ 182 ધારાસભ્યો શપથ લેશે, ગૃહમાં મોરબી-ચૂંટણીનો મુદ્દો ઉછળી શકે

શંકર ચૌધરી બનશે ગૃહના અધ્યક્ષ
આ બાદ બીજા દિવસે સત્રની એક દિવયીય બેઠક મળશે. જેમાં સૌથી પહેલા વિધાનસભાના અધ્યક્ષની ચૂંટણી પ્રક્રિયા હાથ ધરવામાં આવશે. આ માટે ભાજપે પહેલાથી શંકર ચૌધરીનું નામ નક્કી કર્યું છે. આ બાદ ઉપાધ્યક્ષ પદ માટે ચૂંટણી થશે. જેમાં બહુમતિના કારણે ભાજપના જેઠા ભરવાડની નિમણૂંક કરવામાં આવી શકે છે.

આ મુદ્દાઓ પર ગૃહમાં થઈ શકે ચર્ચા
નોંધનીય છે કે, ચૂંટણી બાદનું આ પ્રથમ સત્ર હોવાના કારણે તેમાં મોરબી બ્રીજ દુર્ઘટના પર ચર્ચા કરવા માટે વિપક્ષ પ્રસ્તાવ લાવી શકે છે. જોકે આ વખતે વિપક્ષમાં માત્ર 26 ધારાસભ્યો હોવાના કારણે ગૃહમાં ઉગ્ર દલિલો થાય તેવી શક્યતા નહીવત છે. ઔપચારિક પ્રક્રિયા બાદ સાંજે પ્રથમ સત્રની પૂર્ણાહૂતી કરાશે અને ફેબ્રુઆરીમાં બજેટ સત્ર બોલાવાશે.