ચૂંટણી પહેલા ‘રેવડી’ની લ્હાણી, અમદાવાદમાં AIMIMના ઉમેદવારે મહિલા મતદારોને સાડીઓ વહેંચી

દિવાળી નિમિત્તે વૃદ્ધ મહિલાઓને સાડીનું વિતરણ કરાયું
વિધાનસભાની ચૂંટણીમાં આ વખતે AIMIM પણ જંપ લાવી રહી છે. ત્યારે AIMIMના દાણીલિમડા બેઠકના ઉમેદવાર કૌશિકા પરમાર દ્વારા દિવાળી નિમિત્તે ગિફ્ટ વૃદ્ધ મહિલાઓને 500 જેટલી સાડીઓનું વિતરણ કરવામાં આવ્યું હતું. આ દરમિયાન તેમની સાથે AIMIM ના અમદાવાદના પ્રવક્તા અસ્લમ શેખ પણ હાજર રહ્યા હતા. ઉપરાંત આગામી સમયમાં પણ વધુ સાડીઓનું વિતરણ કરવાનું આયોજન કરવામાં આવ્યું છે.

આ વખતે 30 બેઠકો પરથી ચૂંટણી લડશે AIMIM
નોંધનીય છે કે, ઓવૈસીની પાર્ટી AIMIM પણ ગુજરાતમાં 30 જેટલી બેઠકો પર આ વખતે ચૂંટણી લડવાની છે. AIMIM ગુજરાતમાં દલિત અને મુસ્લિમ સમાજના વર્ચસ્વ ધરાવતી ગુજરાત વિધાનસભાની 30 બેઠક પર પોતાના ઉમેદવાર ઉતારશે. જેમાંથી 5 બેઠકો પર ઉમેદવારોના નામની જાહેરાત કરી દેવાઈ છે, જ્યારે બાકીની 25 બેઠકો પર ઉમેદવારો નક્કી કરવાની પ્રક્રિયા ચાલી રહી છે.

આ બેઠકો પરથી ચૂંટણી લડશે AIMIM

• અબડાસા
• માંડવી
• ભુજ
• અંજાર
• ગાંધીધામ
• વડગામ
• સિદ્ધપુર
• વેજલપુર
• બાપુનગર
• દરિયાપૂર
• જમાલપુર ખાડિયા
• દાણીલીમડા
• ખંભાળિયા
• માંગરોળ
• સોમનાથ
• ગોધરા
• વાગરા
• સુરત ઈસ્ટ
• લિંબાયત
• મોડાસા
• દસાડા
• ધોરાજી
• જામનગર ગ્રામ્ય
• જૂનાગઢ
• કોડીનાર
• ઉના
• ઉમરેઠ
• પેટલાદ
• માતર
• મહુધા