કેજરીવાલ બાદ સરકારે પણ પકડી રિક્ષા, લીધો આ મહત્વપૂર્ણ નિર્ણય

ગુજરાતમાં ચૂંટણી નજીક આવી રહી છે ત્યારે સરકાર ચૂંટણીલક્ષી નિર્ણયો લઈ રહી છે. ત્યારે રિક્ષા ચાલકો માટે મહત્વના સમાચાર સામે આવ્યા છે. હવે ગુજરાતમાં CNG-પેટ્રોલ અને ઈ-રીક્ષા ગમે ત્યાં હરીફરી શકશે. કારણ કે અત્યાર સુધી રાજ્યમાં જે-તે જિલ્લા પૂરતી જ પરમીટ અપાતી હતી તેમાં ફેરફાર કરવામાં આવ્યો છે. અને CNG-પેટ્રોલ અને ઈ-રીક્ષાને એક્સપ્રેસ વે સિવાઈ તમામ જગ્યા પર લઈ જઈ શકાશે.રાજ્યમાં પહેલા  જે-તે જિલ્લા પૂરતી જ પરમીટ  આપવામાં આવતી હતી.

ડીઝલ રિક્ષા પર અહી પ્રતિબંધ 
સરકારે રિક્ષા ચાલકો માટે કરેલ પરમીટના ફેરફારમાં CNG-પેટ્રોલ અને ઈ-રીક્ષાને એક્સપ્રેસ વે પર લઈ જઈ શકાશે નહીં. પરંટી આ સિવાય રાજયમાં કોઈ પણ જગ્યાએ ફેરવી શકાશે. અત્યાર સુધી રાજ્યમાં જે તે જિલ્લા પૂરતી જ અપાતી હતી પરમીટ અમદાવાદ, સુરત સહિતના શહેરી વિસ્તારો ઉપરાંત એક્સપ્રેસ-વે પર ડીઝલ રિક્ષાને મંજૂરી નહીં. આ અંગેનો નિર્ણય તાજેતરમાં જ યોજાયેલી વાહન વ્યવહારની બેઠકમાં લેવાયો છે.

પરમીટની શરતો
થ્રી વ્હીલર ઓટોરીક્ષાએ ટ્રાન્સપોર્ટ કેટેગરીનું પબ્લિક સર્વિસ વાહન છે. આ વાહનનો વપરાશ કરવા મોટર વ્હીકલ્સ એક્ટ, 1988ની કલમ-39 મુજબ નોંધણી કરવાની જરૂર રહે છે. તેમજ કલમ 66 મુજબ પરમીટ મેળવવાની જરૂર રહે છે. ઓટોરીક્ષાને પરમીટની શરતો અનુસાર જ વાપરવાની હોય છે. જોકે આ પરમીટની શરતો ચાર પ્રકારની હોય છે. જેમાં એક શરતની અંદર ઓટોરીક્ષાની પરમીટમાં વિસ્તાર તરીકે માર્ગ જે-તે જિલ્લો અથવા તો શહેર દર્શાવવામાં આવેલ છે.