માલપુર ખાતે ટ્રક અને ગાડી વચ્ચે ગમખ્વાર અકસ્માત, 2 લોકોના ઘટનાસ્થળે મોત

ટ્રક પાછળ ગાડી ઘૂસી જતા દુર્ઘટના થઈ..
માલપુરમાં ટ્રક અને ગાડી વચ્ચે ગમખ્વાર અકસ્માત સર્જાયો છે. જેમાં ગાડીમાં સવાર 2 લોકોના ઘટનાસ્થળે જ મોત નીપજ્યા છે. આની સાથે પ્રાથમિક માહિતી પ્રમાણે ગાડી મોડાસાથી માલપુર જઈ રહી હતી ત્યારે અકસ્માત સર્જાયો છે. ગાડીએ કાબૂ ગુમાવી દેતા ટ્રકની પાછળ જઈને અથડાઈ ગઈ હતી. ત્યારે આ દુર્ઘટના થઈ હોવાનું સામે આવ્યું છે.

માલપુર પોલીસ ઘટનાસ્થળે પહોંચી
અકસ્માત પછી આસપાસ લોકો ભેગા થઈ ગયા હતા. એટલું જ નહીં ઘટનાસ્થળે જ 2 લોકોના મૃત્યુ થતા ચકચાર મચી જવા પામી હતી. પ્રાપ્ત થતી માહિતી પ્રમાણે મૃતક યુવકો માલપુર અને માલજીના પહડિયાના વતની છે. અત્યારે પોલીસ ઘટનાસ્થળે પહોંચી ગઈ છે અને યોગ્ય કાર્યવાહી હાથ ધરી રહી છે.

With Input: હિતેશ સુતરિયા

જામનગરઃ સતત 6 કલાકથી ફ્લાઈટમાં બોમ્બની તપાસ શરૂ, યાત્રિઓના સામાનનું ચેકિંગ યથાવત

ઈન્ટરનેશનલ ફ્લાઈટમાં બોમ્બ હોવાના સમાચાર મળતા જ ચકચાર મચી ગઈ હતી. જામનગર એરપોર્ટ પર બોમ્બની શોધખોળ તપાસ ચાલુ જ છે. તેને નિષ્ક્રિય કરવા માટે અત્યારે ટીમ તૈનાત કરી દેવામાં આવી છે. પ્રાપ્ત થતી માહિતી પ્રમાણે છેલ્લા 6 કલાકથી સતત એન.એસ.જીનું ઓપરેશન ચાલુ હતું. મોસ્કોથી ગોવા જઈ રહેલી ફ્લાઈટનું ઈમરજન્સી લેન્ડિંગ કરવું પડ્યું હતું, કારણ કે એમાંથી બોમ્બ હોવાની માહિતી મળી હતી.

શેરીમાં રમતી બાળકી પર કૂતરાએ હૂમલો કર્યો, બચાવવા આવેલી મહિલાને પણ ભર્યું બચકું

અત્યારે રાજ્યમાં રખડતા ઢોરની સાથે કૂતરાઓની મુશ્કેલીઓ પણ વધી રહી છે. ગલીના કૂતરાઓ અવાર નવાર નાના બાળકો કે પછી ઉંમરલાયક કોઈપણ વ્યક્તિ પર હુમલો કરી દેતા હોય છે. આવો જ એક કિસ્સો આજે સુરતની હંસપૂરા સોસાયટીમાં બન્યો છે. એક શેરીના કૂતરાએ નાની બાળકી પર હુમલો કરી દેતા ચકચાર મચી ગઈ છે. અત્યારે બાળકીના ગાલ પર એવું બચકુ કૂતરાએ ભર્યું છે કે તેને હોસ્પિટલમાં દાખલ કરવાની ફરજ પડી ગઈ છે.