AAP નું મિશન ગુજરાત, આજે કેજરીવાલ અને ભગવંત માન ગજવશે સભા

પંજાબમાં આમ આદમી પાર્ટીએ સરકાર બનાવ્યા બાદ હવે તેમનું પૂરેપઉરુ ફોકસ ગુજરાત પર છે. વડાપ્રધાનના હોમ સ્ટેટ ગુજરાતની સત્તા માટે આમ આદમી પાર્ટી એડી ચોટીનું જોર લગાવી રહયું છે. ત્યારે હવે ગુજરાતમાં આમ આદમી પાર્ટીના એક સાથે 4 દિગ્ગજ નેતાઓ આજે ગુજરાતના પ્રવાસે આવી રહ્યા છે. આ બે દિવસ દરમિયાન અરવિંદ કેજરીવાલ અને ભગવંત માન 4 સભાઓ સંબોધિત કરશે. જ્યારે મનીષ સિસોદિયા અને રાઘવ ચડ્ડા અમદાવાદમાં વિવિધ મુલાકાતો કરશે અને પાર્ટીના કાર્યકર્તા સાથે રાજકીય વ્યૂહરચના તૈયાર કરશે.

આજે કચ્છથી કરશે સભાની શરૂઆત
આજે ગુજરાતના પ્રવાસે આવી રહેલ અરવિંદ કેજરીવાલ અને ભગવંત માન કચ્છથી બેઠકોનો દોર શરૂ કરશે. ગાંધીધામના ડિટીપી ગ્રાઉન્ડ પર સભાને સંબોધશે. ત્યારબાદ જૂનાગઢ જોષીપુરામાં ખોડલ ફાર્મમાં બપોરે 3 કલાકે સભા સંબોધશે. જૂનાગઢની સભા બાદ કેજરીવાલ અને ભગવંત માં રાજકોટમાં રાત્રિ રોકાણ કરશે. આવતીકાલે સુરેન્દ્રનગર એમ પી કોલેજમાં જાહેર સભા સંબોધશે. ત્યારબાદ સાંજના 4 કલાકે ખેડબ્રમ્હા ખાતે સભા સંબોધશે.

ટૂંક સમયમાં થશે ઉમેદવારનું ચોથું લિસ્ટ જાહેર
ગુજરાત વિધાનસભાની ચૂંટણી માટે આમ આદમી પાર્ટી અત્યારે સુધી 3 ઉમેદવારની યાદી જાહેર કરી ચૂકી છે. જેમાં કુલ 29 ઉમેદવારના નામ જાહેર થઈ ચૂક્યા છે. હવે ટૂંક સમેંઆ વિધાનસભાની ચૂંટણી માટે ચોથું લિસ્ટ જાહેર કરવામાં આવશે. મનીષ સિસોદિયા અને રાઘવ ચડ્ડા આજે કાર્યક્રતા અને હોદ્દેદારો સાથે મિટિંગ કરશે ત્યારે હવે ટૂંક સમયમાં  આમ આદમી પાર્ટીના ઉમેદવારનું ચોથું લિસ્ટ થશે જાહેર.