AAPના કાર્યકરનો દાવો- જેને ટિકિટ આપી એ ઉમેદવારથી BJPને ફાયદો થશે! રાજીનામું આપી પોસ્ટર ફાડ્યા..

રાજીનામું આપી AAP પર કર્યા આકરા પ્રહાર
સિદ્ધપુર ખાતે આમ આદમી પાર્ટીના ઉમેદવારને લઈને વિવાદ સામે આવ્યો છે. 2 વર્ષથી પાર્ટી માટે સતત કામ કરતા કાર્યકરોમાંથી ઉમેદવાર તરીકે પસંદ ન થતા નારાજગી જોવા મળી છે. આ દરમિયાન રાજીનામું આપી આમ આદમી પાર્ટીના કાર્યકરે જણાવ્યું કે અત્યારે પાર્ટીની ઉમેદવારોની પસંદગી અયોગ્ય છે. આ ઉમેદવારની પસંદગીથી સ્પષ્ટપણે ભાજપને મદદ થતી હોય એમ લાગી રહ્યું છે. આ સમીકરણો અમે સહન નથી કરી શકતા એટલે રાજીનામું આપું છું એ પત્ર પણ વાઈરલ થયો છે.

નારાજ કાર્યકરોએ AAPના પોસ્ટર ફાડ્યા
રિપોર્ટ્સ પ્રમાણે છેલ્લા 2 વર્ષથી પાર્ટી માટે કામ કરતા હોવા છતા ટિકિટ ન મળતા કાર્યકર્તા નારાજ હતા. તો બીજી બાજુ ઘણા સમીકરણો આમ આદમી પાર્ટીના એવા હતા જે તેમના સમજમાં ન આવ્યા. આની વચ્ચે ગુજરાત પ્રદેશના ઉપપ્રમુખ વિકાસ પટેલ અને માઈનોરિટી જિલ્લાના ઉપપ્રમુખ વજીર અલીએ પાર્ટીને લેખિતમાં રાજીનામું સોંપી દીધું છે.

રાજીનામું સોંપ્યા પછી રિપોર્ટ્સ પ્રમાણે નારાજ કાર્યકરોએ આમ આદમી પાર્ટીની ઓફિસના પોસ્ટરો ફાડ્યા છે. દિવાલ પર લાગેલા સ્ટીકરને પણ કાર્યકર્તાએ ઉખાડી અને પડીકું વાળી ફેંકી દીધા હતા.