AAPનું માજી સૈનિક આંદોલનને સંપૂર્ણ સમર્થન, શહીદ જવાનના પરિવાર માટે રૂ.1 કરોડની સહાય માગી

આંદોલન દરમિયાન નિવૃત્ત જવાન શહીદ
માજી સૈનિક આંદોલન દરમિયાન એક જવાન શહીદ થઈ ગયા હતા. આ અંગે મોડી રાત સુધી માજી સૈનિકોએ હોસ્પિટલને ઘેરી હતી અને તેમના પાર્થિવ શરીરને બહાર લઈ જવાની ના પાડી હતી. જોકે ત્યારપછી પરિવારના સભ્યોએ આની અનુમતિ આપી દીધી હતી. નોંધનીય છે કે આ સમગ્ર મામલે કોંગ્રેસ પછી હવે આમ આદમી પાર્ટી પણ સક્રિય થઈ ગઈ છે. તેમણે અરવલ્લી જિલ્લા કલેક્ટરને આવેદનપત્ર આપ્યું છે. જેમા શહીદ થયેલા નિવૃત્ત જવાનના પરિવારને 1 કરોડ રૂપિયાની સહાયતા કરવાની માગ કરવામાં આવી છે.

સરકારે તપાસ કમિટિ બનાવી…
ગુજરાતમાં નિવૃત આર્મી જવાનો પોતાની વિવિધ માંગણીઓ સાથે ગુજરાત સરકાર સામે મોરચે માંડીને બેઠા છે. આ વચ્ચે ગઈકાલે ગાંધીનગરમાં એક નિવૃત્ત જવાનનું મોત થયું હતું. જે બાદ આમ આદમી પાર્ટીએ સરકારને ઘેરી હતી. હવે સૂત્રો પાસેથી મળતી માહિતી મુજબ, રાજ્ય સરકારે આ મામલે એક કમિટીની રચના કરી છે, જે બે દિવસમાં નિવૃત્ત જવાનના મોત થવાનું કારણ સરકારને સોંપશે.

with input – હિતેશ સુતરિયા