દ્વારકામાં ભાજપનો પ્રચાર કરતા રવિન્દ્ર જાડેજાની રેલીમાં ટીખળ! AAPના ખેસનો ગુચ્છો જીપ પર ફેંકાયો

દ્વારકામાં પબુભા માણેકના પ્રચારમાં ગયા હતા રવિન્દ્ર જાડેજા
દ્વારકામાં રવિન્દ્ર જાડેજાની રેલીમાં મોટી સંખ્યામાં લોકો ક્રિકેટરની ઝલક જોવા માટે પહોંચ્યા હતા. જોકે ભાટિયામાં સતવારા સમાજની વાડીની સામેથી નીકળતા સમયે જ રવિન્દ્ર જાડેજાની જીપ પર સ્થાનિક લોકોએ ઘર ઉપરથી AAPની જાહેરાતના બેનરો અને ખેસ ફેંક્યા હતા. 11 સેકન્ડમાં બે વખત જાડેજા પર AAPના ખેસ ફેંકવામાં આવ્યા. આ સમગ્ર ઘટના વીડિયોમાં કેદ થઈ ગઈ હતી.

દ્વારકામાં રવિન્દ્ર જાડેજાની સભામાં ટીખળ, કોઈએ AAPના ખેસ ફેંક્યા#RavindraJadeja #Dwarka #Elections pic.twitter.com/FP4jNV239N

— Gujarat Tak (@GujaratTak) November 26, 2022

રિવાબા માટે પણ પ્રચાર કરી રહ્યા છે રવિન્દ્ર જાડેજા
નોંધનીય છે કે, ગુજરાત તકની ટીમ ત્યારપછી ભાટીયા ગામ ખાતે પહોંચી હતી. ત્યાં તેમણે ખેડૂતો અને વેપારીઓ સાથે ચર્ચા કરી હતી. મોટાભાગના સ્થાનિકોએ જણાવ્યું કે પબુભા માણેક છેલ્લા 35 વર્ષથી અહીં જીતતા આવ્યા છે. તેથી આ ટર્મની ચૂંટણીમાં પણ તેઓ જીતશે અને ભાજપનો કેસરિયો લહેરાશે એવી ભવિષ્યવાણી કરી હતી. રવિન્દ્ર જાડેજાની વાત કરીએ તો હાલમાં તે ઈજાના કારણે ટીમ ઈન્ડિયાની બહાર છે. સાથે જ પત્ની રિવાબા માટે જામનગરમાં ચૂંટણી પ્રચાર કરી રહ્યા છે. એવામાં તેઓ દ્વારકામાં પણ ભાજપ માટે પ્રચાર કરતા જોવા મળ્યા હતા.

(વિથ ઈનપુટ: રજનીકાંત જોશી)