AAPની ત્રિપુટી મિશન ઈલેક્શન પાર પાડવા સજ્જ! કેજરીવાલથી લઈ રાઘવ ચઢ્ડા રાજ્યમાં એક્ટિવ

અરવિંદ કેજરીવાલ અને ભગવંત માનનું શેડ્યૂલ
આમ આદમી પાર્ટીના સુપ્રિમો અરવિંદ કેજરીવાલ અને ભગવંત માન રાજકોટમાં સવારે 11 વાગ્યે પ્રેસ કોન્ફરન્સમાં ભાગ લેશે. ત્યારપછી બપોરે 1 વાગ્યે સુરેન્દ્રનગર તથા 4.30 વાગ્યે ખેડબ્રહ્મામાં જનસભાને સંબોધશે. આ દરમિયાન અરવિંદ કેજરીવાલ જનતાને લગતા વિવિધ પ્રશ્નોને લઈને ચર્ચા કરી શકે છે.

યુવા વર્ગને આકર્ષવા રાઘવ ચઢ્ઢા મેદાનમાં…
આમ આદમી પાર્ટીએ યુવા વર્ગને આકર્ષવા માટે રાઘવ ચઢ્ઢાને મેદાનમાં ઉતાર્યા છે. તેઓ ગુજરાત પ્રવાસ દરમિયાન જનતાલક્ષી મુદ્દાઓ ઉઠાવતા નજરે પડ્યા છે. તેઓ નવસારી ખાતે સવારે 10 વાગ્યે ગાંધી મેમોરિયલના દર્શન કરશે. ત્યારપછી બપોરે 1 વાગ્યે પ્રેસ કોન્ફરન્સમાં હાજરી આપી વડોદરા ખાતે 3 વાગ્યે વર્કર યુનિયન રેલીમાં ભાગ લેશે. સાંજે 5 વાગ્યે કળશ યાત્રામાં ભાગ લીધા પછી રાત્રે 10 મોટા વરાછા ખાતે આયોજિત ખોડલધામ નવરાત્રી ફેસ્ટિવલમાં માતાજીની પૂજા-અર્ચના કરશે.

With Input- સૌરભ વક્તાનિયા