જાણો AAPના મનોજ સોરઠિયા પર હુમલો કેમ થયો, પાર્ટીના નેતાએ કર્યો સણસણતો ઘટસ્ફોટ..

ભાજપના નેતાઓ દ્વારા હુમલો થયો હોવાનો AAPનો આરોપ
આપના નેતા કૈલાશભાઈએ જણાવ્યું કે મનોજ સોરઠિયા ગણેશ પંડાલનું આયોજન જોવા ગયા હતા. આ દરમિયાન અંદરના ભાગમાં જ્યારે આપના નેતા પહોંચ્યા ત્યારે અંદર ભાજપના ગુંડાઓ બેઠા હતા. આ દરમિયાન તેમના હાથમાં લાકડીઓ હતી અને તેઓ દારૂ પીધેલી હાલતમાં જોવા મળ્યા હતા. અચાનક જ તેમણે મનોજભાઈ પર જીવલેણ હુમલો કર્યો હતો.

કૈલાશભાઈએ હુમલાની ટાઈમલાઈન જણાવી

• ગુંડાઓ આયોજનબદ્ધ રીતે હુમલો કરવા માટે તૈયાર હતા.
• ગુંડાઓ મનોજ સોરઠિયાની રાહ જોતા હતા અને 100થી વધુ અસમાજિક તત્વો ત્યાં હાજર હતા.
• ગુંડાઓના હાથમાં લાકડીઓ હતી અને મનોજભાઈને જોઈને તાત્કાલિક હુમલો કરી દીધો હતો.
• અન્ય કાર્યકર્તાઓ પર પણ ગુંડાઓએ હુમલો કર્યો હતો.
• પોલીસને આમ આદમી પાર્ટીએ જાણ કરી છે. હુમલામાં કેટલાક ભાજપના કાર્યકર્તાઓ હોવાનું પણ જાણવા મળ્યું છે.

इस तरह विपक्ष के लोगों पर हमला करना सही नहीं है। चुनाव में हार जीत होती रहती है लेकिन विपक्ष को हिंसा से कुचलना, ये गुजरात की संस्कृति के ख़िलाफ़ है और जनता इसे पसंद नहीं करती

मैं गुजरात के CM से अपील करता हूँ कि दोषियों को सख़्त सजा दिलायें और सबकी रक्षा करें। https://t.co/JvEbAb36lf

— Arvind Kejriwal (@ArvindKejriwal) August 30, 2022

આમ આદમી પાર્ટીના નેતા કૈલાશ ભાઈએ વધુમા જણાવ્યું કે ગૃહમંત્રીનો વિસ્તાર છે, ભાજપના પ્રમુખ રહેતા હોય ત્યારે આવા ગુંડાઓ દારૂ પીવે પાઈપો અને લાકડીઓ લઈને ફરતા હોય બજારમાં ત્યારે સિસ્ટમ સામે સવાલ થવો વ્યાજબી છે. કૈલાશે વધુમાં જણાવ્યું કે આ ઘટના પછી ગૃહમંત્રી હર્ષસંઘવીએ રાજીનામું આપી દેવું જોઈએ અને સત્તા છોડી દેવી જોઈએ.

ગુજરાતમાંથી ભાજપ જઈ રહી છે- કૈલાશ
આમ આદમી પાર્ટીના નેતાઓ પર જેવી રીતે હુમલાઓ થઈ રહ્યા છે એના પર કૈલાશભાઈએ આકરુ વલણ અપનાવ્યું છે. તેમણે જણાવ્યું છે કે હવે ગુજરાતમાંથી ભાજપની સરકાર જઈ રહી છે. જેથી તેઓ આવું હિંસક વલણ દાખવી રહ્યા છે.

With Input- ગૌતમ જોશી