પેનડાઉનઃ લોકસભા પહેલા મોટા આંદોલનના ભણકારા, સરકારી કર્મચારીઓ હવે ગુજરાત સરકાર સામે લડી લેવાના મૂડમાં!

Gandhinagar News: લોકસભાની ચૂંટણી નજીક આવી રહી છે. ત્યારે ચૂંટણી પહેલા જ આંદોલન શરૂ થઈ ચૂક્યા છે. ગુજરાતમાં સરકારી કર્મચારીઓએ જૂન પેન્શન યોજના સહિત અન્ય પડતર માંગોને લઈને સરકાર સામે મોરચો માંડ્યો છે.  ગુજરાત રાજ્યના તમામ કર્મચારીઓએ આજે પેન ડાઉન-ચોક ડાઉન કર્યું છે. તો સામે રાજ્ય સરકાર દ્વારા પણ પેન ડાઉન-ચોક ડાઉન કરનારા કર્મચારીઓ સામે કાયદેસરની કાર્યવાહી કરવાનો આદેશ આપવામાં આવ્યો છે. જેથી અમુક કર્મચારી મંડળોએ આંદોલન મોકૂફ રાખ્યું છે. કેટલાક કર્મચારી મંડળો પોતાની માંગ પર અડગ રહ્યા છે.