‘તમારા ઘરમાં કોઈએ માતા મૂકી છે’, માનતા પૂરી કરવાના નામે 5 ભુવાએ પરિવારના 35 લાખ પડાવી લીધા

ભુવાજીની છેતરપિંડીનો શું છે સમગ્ર મામલો?
આ કઠિત ક્રાઈમ બનાસકાંઠાના ધાનેરા તાલુકાના ગોળા ગામે થયું છે. આ ક્રાઈમમાં પાંચ જેટલા ભુવાજીઓ એક સાથે સંપ કરી છેતરપિંડીના ઇરાદે પીડિતો પાસે પહોંચ્યા હતા અને ‘તમારા ઘરમાં 82 વર્ષ અગાઉ માતા મૂકી છે. અને તેના લીધે દેવ દુખથી તમારો પરિવાર દુઃખી છે.આ દુઃખ મોટું છે તેને કાઢવા માટે ચેહર માતાની બાધા રાખવી પડશે,’ તેવી વાત કરી પરિવારને છેતરવા કારસો રચ્યો હતો. તે બાદ પરિવારના બે ભાઈઓને વિશ્વાસમાં લીધા હતા અને એક કરોડ જેટલો ખર્ચો થશે તેવું પણ જણાવ્યું હતું. જોકે નસીબજોગે પરિવારને દુઃખમાં રાહત મળતાં, આ તકનો લાભ ભૂવાજીએ લીધો હતો અને ચેહર માતાની બાધા પૂરી કરવી પડશે નહિતર પાછું મોટું દુઃખ આવશે તેમ કહી,પરિવારને ડરાવ્યો હતો.

તે રીતે સંત બનેલા આ ભુવાજીઓએ પોતાનું પોત પ્રકાશ્યું હતું અને દુઃખ દર્દ દૂર કરવાની વિધિના ખર્ચ પેટે પીડિત પરિવારના બે ભાઈઓ પાસેથી પૈસા પડાવ્યા હતા. જેમાં પીડિત બે ભાઈઓએ ઉછીના લાવી ગત 11 ડિસેમ્બરે ભૂવાજીઓને 20 તેમજ 15 લાખ મળી તબક્કાવાર રૂ.35 લાખ રોકડા આપ્યા હતા, તેમજ 1.70 લાખ કિંમતની ચાંદીની પાટો વિધિ પેટે ભયભીત બની આપી હતી. જોકે આ તમામ રોકડ રકમ અને ચાંદીની પાટો લઈ આ પાંચેય ભુવાજીઓ રફુચક્કર થઈ ગયા હતા.

પરિવારે 38 સેકડનો વીડિયો પીડિતોએ પોલીસેને સોંપ્યો
આ કામમાં પીડીતો સાથે દેવદુઃખનો ભય બતાવી છેતરપિંડી કરનાર આ ભુવાજીઓનો 38 સેકન્ડનો એક વિડીયો પણ પીડિતોએ જે-તે વખતે ઉતારેલો છે.અને આજ વિડીયો ફરિયાદનો મુખ્ય દસ્તાવેજી પુરાવો છે. વીડિયોમાં ઠગ ભુવાઓ તેમજ પરિવારના સભ્યો દેખાય છે એક યુવા ભુવો ધુણતો દેખાય છે. જેની સામે થાળમાં 500 – 500 નોટોના બંડલ સાથે ચલની નોટો અને કંકુ ચોખા દેખાય છે.આ વીડિયો સ્પષ્ટ પુરાવો આપે છે કે આરોપી ભુવાઓ અહીં આવ્યા હતા, ધુણ્યા હતા, પીડિતોને દેવદુઃખનો ભય બતાવી છેતર્યા હતા અને લાખોની રકમ પડાવી હતી.

‘તમારા ઘરમાં કોઈએ માતા મૂકી છે’, માનતા પૂરી કરવાના નામે 5 ભુવાએ પરિવારના 35 લાખ પડાવી લીધા#Banaskantha જિલ્લામાં એક પરિવારે અંધશ્રદ્ધામાં 35 લાખ રૂપિયા ગુમાવ્યા છે. પોતાની સાથે છેતરપિંડી થઈ હોવાનો અહેસાસ થતાં પરિવારે ધાનેરા પોલીસ સ્ટેશનમાં ફરિયાદ નોંધાવી છે. #GujaratPolice pic.twitter.com/fPGwBTuVjv

— Gujarat Tak (@GujaratTak) December 14, 2022

ભુવાજીનો શોધવા પોલીસે કવાયત હાથ ધરી
આ ક્રાઈમ બાબતે ધાનેરા પીઆઇ એ.ટી પટેલે વિવિધ ટીમો બનાવી છે.અને આ ટીમો હવે આ પાંચ ભુવાજીઓ કે જેમને અંધશ્રદ્ધાનો ભોગ બનેલા પરિવારને ખોટો ભય બતાવી પીડિત પરિવારને છેતરી, તેમની પાસેથી 35 લાખ રૂપિયા પડાવી ગુનો નોંધ્યો છે. સાથે જ તેમને શોધવા પોલીસે કવાયત હાથ ધરી છે.

પરિવારે વિજ્ઞાનજાથાની મદદ માગી
બનાસકાંઠા જિલ્લામાં ગામડાઓમાં આ પ્રમાણે અંધશ્રદ્ધાના નામે અનેક ભુવાઓ સક્રિય બન્યા છે.અને તાંત્રિક વિધિઓના નામે લોકોને ડરાવી,ધમકીઓ પૈસા પડાવી રહ્યા છે. હાલનો આ પ્રસ્તુત કિસ્સો ગ્રામીણ વિસ્તારમાં રહેતા અને ભુવજીઓના પ્રભાવમાં રહેલ લોકો માટે લાલબત્તી સમાન કિસ્સો છે. ત્યારે આ કેસમાં પીડિત પરિવારોએ વિજ્ઞાનજાથાના એડવોકેટ જયંત પટેલનો પણ સંપર્ક કરી, મદદ માટે અપીલ કરી હોવાનું જાણવા મળેલ છે.