બિપોરજોયની આફત પહેલા ગુજરાતમાં 8 જિલ્લામાંથી 37 હજારનું સ્થળાંતર, NDRFની 17, SDRFની 12 ટીમો તૈનાત

NDRF-SDRFની ટીમો દરિયાઈ વિસ્તારોમાં તૈનાત
વાવાઝોડાની સૌથી વધુ અસર કચ્છ, પોરબંદર, જામનગર, દેવભૂમિ દ્વારકા, મોરબી સહિતના જિલ્લાઓમાં જોવા મળશે. ત્યારે દરિયાઈ પટ્ટી પરના 6 જિલ્લામાં NDRFની 17 અને SDRFની 12 જેટલી ટીમોને તૈનાત કરી દેવામાં આવી છે. આ સાથે અમદાવાદથી પણ 108 એમ્બ્યુલન્સને કચ્છ અને દ્વારકામાં મોકલવામાં આવી છે. તો 40 હજાર જેટલા ફૂડ પેકેટ્સ પણ તૈયાર કરવામાં આવ્યા છે. 1500થી વધુ શેલ્ટર હોમ તૈયાર કરવામાં આવ્યા છે, જેમાં સ્થળાંતર કરેલા લોકોને સલામત રાખવામાં આવ્યા છે.

માનનીય કેન્દ્રીય ગૃહ-સહકાર મંત્રી શ્રી અમિતભાઈ શાહે બિપરજોય વાવાઝોડા સંદર્ભે યોજેલ વર્ચ્યુઅલ સમીક્ષા બેઠકમાં મુખ્યમંત્રી શ્રી ભૂપેન્દ્ર પટેલ રાજ્ય અને કેન્દ્રીય મંત્રીશ્રીઓ, સાંસદશ્રીઓ, ધારાસભ્યશ્રીઓ તથા સંબંધિત ઉચ્ચ અધિકારીઓ સાથે જોડાયા હતા.

માનનીય કેન્દ્રીય ગૃહ-સહકાર… pic.twitter.com/LIQMjs9PVF

— CMO Gujarat (@CMOGuj) June 13, 2023

ગુજરાતના તમામ જિલ્લામાં કન્ટ્રોલરૂમ શરૂ કરાયો
મંગળવારે ભુજ, જામનગર, ગાંધીધામ, ધ્રાંગધ્રા, વડોદરા તથા ગાંધીનનગર, નલિયા, દ્વારકા અને અમરેલીમાં પૂર રાહત કાર્યોનું રિહર્લ કરવામાં આવ્યું હતું. ગુજરાતના તમામ 33 જિલ્લાઓમાં વાવાઝોડાને લઈને કન્ટ્રોલરૂમ કાર્યરત કરવામાં આવ્યો છે. નાગરિકો આ કન્ટ્રોલ રૂમમાં ફોન કરીને કોઈપણ મુશ્કેલીની સ્થિતિમાં મદદ માટે જાણ કરી શકે છે. આ ઉપરાંત 1077 ટોલ ફ્રી હેલ્પલાઈન નંબર પણ કાર્યરક કરાયો છે.

કચ્છમાં વાવાઝોડાની વધુ અસર થશે
હવામાન વિભાગની આગાહી મુજબ, આજે 14મી જૂનથી 16મી જૂન સુધી કચ્છમાં ભારેથી અતિભારે વરસાદ પડી શકે છે. આ સાથે દેવભૂમિ દ્વારકા અને જામનગરમાં પણ ધોધમાર વરસાદ પડશે. જ્યારે સૌરાષ્ટ્રના અન્ય જિલ્લાઓમાં પણ ભારે વરસાદની આગાહી કરવામાં આવી છે.