ચૂંટણી પહેલા રાજ્યના 23 IPS અધિકારીઓની બઢતી સાથે બદલી, 82 DySPનું પણ ટ્રાન્સફર, જુઓ કોને ક્યાં મૂકાયા?

23 IPS અધિકારીઓને ટ્રાન્સફર અપાયું
ચૂંટણી પહેલા રાજ્યમાં IPS અધિકારીઓની બદલીનો દોર યથાવત છે. આર.બી.બ્રહ્મભટ્ટની એડિશનલ DG CID ક્રાઈમ તરીકે બદલી, એસ.વી પરમારની DCP ઝોન-1 રાજકોટમાં બદલી, ઉષા રાડાને સુરત શહેર DCP ઝોન-3માં મુકાયા, અજીત રાજીયાન DCP સાયબર ક્રાઈમ અમદાવાદ શહેર, પ્રવીણ કુમારની આણંદના SP તરીકે બદલી, સફીન હસનને અમદાવાદ ટ્રાફિક DCP બનાવાયા તથા પૂજા યાદવને રાજકોટ ટ્રાફિક DCP બનાવાયા છે.

DySPને પણ બદલીનો આદેશ
ગૃહ વિભાગ દ્વારા 82 DySPની બદલીના આદેશ આપવામાં આવ્યો છે. જેમાં એચ.કે.વાઘેલાની પાટણથી ગાંધીનગર, ડી.ડી ચૌધરીની ભાવનગરથી પાટણ, એમ.કે.રાણા VIP સિક્યોરિટી ગાંધીનગર ખાતે બદલી, સી.સી.ખટ્ટાણાની SC-ST સેલ પોરબંદર ખાતે બદલી, ડી.વી.રાણા L ડિવિઝન અમદાવાદ શહેર ખાતે બદલી, ડી.એસ પટેલ વિભાગીય પોલીસ અધિકારી ગાંધીનગર ખાતે બદલી કરવામાં આવી છે.