ગણેશ જાડેજાની ક્યારે થશે ધરપકડ? Jignesh Mevani નો જયરાજસિંહ સામે હુંકાર

Gondal News: ગોંડલના વર્તમાન ધારાસભ્ય ગીતાબા જયરાજસિંહ જાડેજાનો પૂત્ર ગણેશ જાડેજા હાલ ચર્ચામાં છે. જૂનાગઢના દલિત યુવકનું અપહરણ કરીને માર મારવાની ફરિયાદ જૂનાગઢ પોલીસ સ્ટેશનમાં ગણેશ જાડેજા સહિત 11 લોકો સામે નોંધાઈ છે. પોલીસ દ્વારા અત્યાર સુધીમાં 11 લોકોમાંથી 3 આરોપીઓની ધરપકડ કરવામાં આવી છે. જ્યારે જયરાજસિંહના દીકરા ગણેશની હજુ સુધી ધરપકડ કરવામાં આવી નથી. ત્યારે હવે આ મામલે વડગામના ધારાસભ્ય જીજ્ઞેશ મેવાણી મેદાનમાં આવ્યા છે. કલેક્ટર કચેરી પહોંચી જીજ્ઞેશ મેવાણીએ આવેદન પત્ર આપ્યું અને જયરાજસિંહ સામે હુંકાર કર્યો. તેઓએ કહ્યું કે, ગોંડલમાં દલિત સંમેલન યોજવામાં આવશે.