વિપુલ ચૌધરીનો આર્થિક વહીવટ દળદળ છે, જેટલી તપાસ કરો તેટલા કૌભાંડ નિકળી રહ્યા છે:ACB

વિપુલ ચૌધરી પરિવારના ભાગેડુ પરિવાર વિરુદ્ધ લુકઆઉટ નોટિસ માટેની કાર્યવાહી
વિપુલ ચૌધરીના ફરાર દીકરા અને તેમની પત્ની વિરુદ્ધ લુકઆઉટ નોટિસ બહાર પાડવામાં કાર્યવાહી હાથ ધરવામાં આવી છે. વિપુલ ચૌધરી દ્વારા સ્થાપિત 4 કંપનીઓ તો માત્ર કાગળ પર જ હતી. તેના આઇટી રિટર્ન ભરવામાં આવે છેપણ આ કંપનીની કોઇ ઓફીસ જ નથી. 26 પાનકાર્ડના આધારે IT પાસેથી પણ વિગતો મંગાવવામાં આવી છે. આ અંગે એન્ટી કરપ્શન બ્યુરો, ઇડી અને આઇટી દ્વારા સંયુક્ત તપાસ કરવામાં આવશે.

ચૌધરી પરિવારના 21 સહિત કુલ 60 બેન્ક એકાઉન્ટની તપાસ
એસીબી ડીવાયએસપી આશુતોષ પરમારના અનુસાર, વિપુલ ચૌધરીના ખાતા તપાસમાં અનેક ઘટસ્ફોટો ઘયા છે. ચૌધરીના 5 બેંક એકાઉન્ટમાંથી 250 કરોડનાં વ્યવહારો થયા છે. વિપુલ ચૌધરીના પોતાના 5, પત્નીના 10 અને પુત્રના 6 એકાઉન્ટ સહિત કુલ 66 બેન્ક એકાઉન્ટની તપાસ ચલાવાઇ રહી છે. આ ઉપરાંત તેના બેંક લોકરની પણ તપાસ કરવામાં આવશે. ઇન્કમટેક્સ પાસે અનેક માહિતી છુપાવી હોવાનું પણ સામે આવ્યું છે. પત્ની અને પુત્ર ફરાર છે હાલ તે વિદેશ ન ભાગી જાય તે માટે લુકઆઉટ નોટિસની કાર્યવાહી પણ ચાલી રહી છે.