Vadodara Navratri News: વડોદરાના જાણીતા યુનાઈટેડ વે ગરબા પણ ચિંતામાંઃ આખરે લીધો આ નિર્ણય

Heart Attack બન્યો ચિંતાજનકઃ રાજકોટમાં 5 યુવાનોને ભરખાઈ ગયા, આરોગ્ય વિભાગના

વિશેષ ટીમ ઊભી કરાઈ

ગરબા મહોત્ત્સવ શરુ થવા જઈ રહ્યો છે ત્યારે વડોદરા ખાતે મોટા મોટા ગરબા આયોજનોમાં વિશેષ આયોજન કરવામાં આવ્યું છે. વડોદરાના ગરબા સમગ્ર વિશ્વમાં પ્રખ્યાત છે. છેલ્લા કેટલાક મહિનાઓમાં યુવાનોમાં હાર્ટ એટેકના બનાવોમાં વધારો જોવા મળ્યો છે ત્યારે આ વર્ષે ગરબા આયોજકો દ્વારા મેદાન ઉપર વિશેષ તબીબોની ટીમ તેમજ પ્રાથમિક સારવાર કેન્દ્ર ઉભું કરવાનું નક્કી કરવામાં આવ્યું છે. ખાસ કરીને યુવાઓમાં સ્ટ્રેસના કારણે અથવા તો ડિહાઈડ્રેશનના કારણે હાર્ટ એટેક આવવાનું તારણ નીકળી રહ્યું છે ત્યારે ગરબા દરમિયાન કોઈ અનિચ્છનીય બનાવ ન બને તે માટે આ વિશેષ સુવિધા ઉભી કરવામાં આવશે. એટલું જ નહિ હાલમાં સ્વયં સેવકોને તાલીમ પણ આપવામાં આવી રહી છે. જેથી કદાચ આવો કોઈ બનાવ બને તો પ્રાથમિક સારવાર આપી શકાય.

(દિગ્વિજય પાઠક, વડોદરા)