વડોદરા: હાલોલ રોડ પર STની ટક્કર બે સગા ભાઈ સહિત 3 બાઈક સવારના કરુણ મોત

ST બસની અટફેટે 3 યુવકોના મોત
પ્રાપ્ત વિગતો મુજબ, વડોદરાના હાલોલ રોડ પર ગાંધીનગરથી પાવાગઢ જતી એસટી બસે કામરોલ ગામના બસ સ્ટેન્ડ પાસે બાઈક સવાર 3 યુવકોને અડફેટે લીધા હતા. 3 મૃતક યુવાનો એક જ ગામના હતા અને તેમાંથી બે યુવકો સગા ભાઈ હતા. જ્યારે ત્રીજો મૃતક તેમનો મિત્ર હતો. અકસ્માતની જાણ થતા જ સ્થાનિક લોકો મોટી સંખ્યામાં સ્થળ પર પહોંચી ગયા હતા. બીજી તરફ ઘટનાને પગલે પોલીસ પણ સ્થળ પર પહોંચી હતી અને વધુ તપાસ હાથ ધરી હતી.

એક જ ગામના યુવકોના મોતથી શોકનો માહોલ
પોલીસે ત્રણેય યુવકોના મૃતદેહને પોસ્ટ મોર્ટમ માટે ખસેડીને આગળની કાર્યવાહી હાથ ધરી છે. નોંધનીય છે કે, એક જ પરિવારના બે સગા ભાઈના મોતની ખબર મળતા પરિવારજનોએ રોકકળ કરી હતી. ગામમાં પણ 3-3 આશાસ્પદ યુવાનોના મોતથી શોકનો માહોલ છવાયો હતો.