વડોદરામાં ગૌરીવ્રત કરતી દીકરીઓના હાથે મુસ્લિમ યુવતીઓએ મુકી મહેંદીઃ કોમી ઝેર ઓકતા લોકો ક્યારે શીખશે સદભાવના?

દિગ્વિજય પાઠક.વડોદરાઃ હાલમાં જ મહેસાણામાં એક શાળામાં બકરી ઈદ અંગે બાળકોને સમજણ આપવા બદલ શાળાને અને તેના સ્ટાફને હિન્દુ સંગઠનો દ્વારા જે ત્રાસદાયી રીતે પજવવામાં આવી રહ્યા છે તેને લઈને ક્યાંય કોઈ પોલીસ કાર્યવાહી જોવા મળી રહી નથી. ત્યાં બીજી બાજુ કચ્છમાં બાળકોને નમાજ઼ પઢાવવાને લઈને પણ વિવાદ થયો છે. કોમી ઝેર ઓક્તા આવા તત્વોને એ ક્યારેય ભાન નથી પડતું કે આપણે ત્યાં તમામ ધર્મના લોકો વસે છે અને શાળામાં તમામ ધર્મના બાળકો સાથે પ્રાથના કરે છે, સાથે તમામ ધર્મના તહેવારો ઉજવે તો તેમાં વાધો શું પડ્યો ત્યારે આ તમામ નફરતી વાતાવરણ વચ્ચે ઘણી જગ્યાએથી કોમી એક્તાના ઉદાહરણ રૂપ એવી ઘટનાઓ પણ સામે આવે છે જે મનને થોડી ટાઢક આપે છે. તેવી ઘટનાઓથી હજુ માનવતા જીવંત હોવાનો અહેસાસ ઘણા લોકો કરતા હોય છે.